త్రివిక్రమ్ కథ.. వెంకీ కుడుముల దర్శకత్వం.. రామ్ హీరో.. సిద్ధవుతోన్న క్రేజీ కాంబినేషన్?

Ram team up with venky kudumula: ‘ఈస్మార్ట్ శంకర్’ వంటి బ్లాక్ బ్లస్టర్ విజయాన్ని అందుకున్న తర్వాత హీరో రామ్ నటిస్తోన్న చిత్రం ‘రెడ్’. నిజానికి ఈ చిత్ర షూటింగ్ ఇప్పటికే పూర్తి కావాల్సి ఉండగా కరోనా కారణంగా వాయిదా పడింది. తాజాగా కేంద్రం ప్రకటించిన అన్‌లాక్‌లో భాగంగా రెడ్ షూటింగ్ తిరిగి ప్రారంభించింది. ఈ సినిమా సంక్రాంతి కానుకగా విడుదల కానుంది. ఇదిలా ఉంటే ఈ సినిమా తర్వాత రామ్ నటించబోయే సినిమా ఏంటనే చర్చ జరుగుతోంది. రామ్ తర్వాతి చిత్రం మాటల మాంత్రికుడు త్రివిక్రమ్ శ్రీనివాస్‌తో చేయనున్నాడని అప్పట్లో వార్తలు వచ్చాయి. అయితే తాజాగా వినిపిస్తోన్న సమాచారం ప్రకారం ఈ సినిమాకు త్రివిక్రమ్ దర్శకత్వం వహించట్లేదని, అతడి శిష్యుడైన వెంకీ కుడుముల దర్శకత్వం చేస్తున్నాడని తెలుస్తోంది. ఇదిలా ఉంటే ఈ చిత్రానికి త్రివిక్రమ్ కథ అందించనున్నట్లుగా సమాచారం. మరి ఈ వార్తల్లో ఎంత వరకు నిజం ఉందో తెలియాలంటే అధికారిక ప్రకటన వచ్చే వరకు వేచి చూడాలి.