పోలీసు కస్టడీకి జేసీ ప్రభాకర్రెడ్డి, అస్మిత్ రెడ్డి
అక్రమ రిజిస్ట్రేషన్ తో వాహనాలను విక్రయించిన కేసులో అరెస్ట్ అయిన మాజీ ఎమ్మెల్యే ప్రభాకర్రెడ్డిని పోలీసులు విచారించనున్నారు. ప్రస్తుతం కడప జైలులో రిమాండ్ లో ఉన్న జేసీ ప్రభాకర్రెడ్డితో పాటు ఆయన కుమారుడు అస్మిత్ రెడ్డిని పోలీసులు కస్టడీలోకి తీసుకోనున్నారు.
అక్రమ రిజిస్ట్రేషన్ తో వాహనాలను విక్రయించిన కేసులో అరెస్ట్ అయిన మాజీ ఎమ్మెల్యే ప్రభాకర్రెడ్డిని పోలీసులు విచారించనున్నారు. ప్రస్తుతం కడప జైలులో రిమాండ్ లో ఉన్న జేసీ ప్రభాకర్రెడ్డితో పాటు ఆయన కుమారుడు అస్మిత్ రెడ్డిని పోలీసులు కస్టడీలోకి తీసుకోనున్నారు. వీరిద్దరిని రెండు రోజులపాటు పోలీసు కస్టడీకి ఇస్తూ అనంతపురం జిల్లా కోర్టు తీర్పునిచ్చింది. దీంతో వారిని కడప జైలు నుంచి అనంతపురం 1వ పట్టణ పోలీస్ స్టేషన్కు తరలించనున్నారు. 154 లారీలకు అక్రమ రిజిస్ట్రేషన్లు చేశారని ఆర్టీఏ అధికారుల ఫిర్యాదు మేరకు పోలీసులు కేసు నమోదు చేశారు. దీంతో ప్రభాకర్రెడ్డితో పాటు అస్మిత్ 14 రోజుల పాటు రిమాండ్ విధించింది కోర్టు.