శ్రీరాంసాగర్‌కు వరద పోటు.. గేట్లు ఎత్తిన అధికారులు

శ్రీరాంసాగర్ ప్రాజెక్టుకు జలకళ సంతరించుకుంది. ఎగువ ప్రాంతంలోని బాబ్లీ ప్రాజెక్టు గేట్లను ఎత్తడంతో బుధవారం ఉదయం నుంచి భారీగా వరద వచ్చి చేరుతోంది. ఉదయం7 గంటలకు 25వేల క్యూసెక్కుల వరద రావడంతో 8 వరద గేట్లను ఎత్తి దిగువ గోదావరిలోకి వదిలినట్లుగా డీఈ జగదీశ్‌ తెలిపారు. 9 గంటల నుంచి ఇన్‌ఫ్లో మరింత పెరగడంతో ఎస్కేప్‌ గేట్లను ఎత్తి గోదావరిలోకి 8 వేల క్యూసెక్కులను వదిలినట్లుగా పేర్కొన్నారు.

మధ్యాహ్నం 3.30 గంటల నుంచి ఇన్‌ఫ్లో క్రమంగా తగ్గుముఖం పట్టడంతో నాలుగు వరద గేట్ల ద్వారా 12,500 క్యూసెక్కులు…. ఎస్కేప్‌ గేట్ల ద్వారా 8 వేల క్యూసెక్కులు మొత్తం 20,500 క్యూసెక్కుల వరద నీటివిడుదల కొనసాగుతుందని డీఈ పేర్కొన్నారు.

కాకతీయ కాలువకు 50 క్యూసెక్కులు, మిషన్‌ భగీరథ తాగునీటి అవసరాలకు 152 క్యూసెక్కులు, ఆవిరి, లీకేజీ రూపంలో 557 క్యూసెక్కులు పోతుందని డీఈ జగదీశ్ వెల్లడించారు.