అక్కడ జూన్ వరకు లాక్డౌన్..! ఎందుకంటే?
ఓవైపు కోవిద్-19 రూపాంతరం చెందుతూ రోజురోజుకి శక్తివంతమవుతోంది. ఈ వైరస్ కట్టడికోసం చాలా దేశాలు వ్యాక్సిన్ కోసం పరిశోధనలు ముమ్మరం చేశాయి. కరోనా కరాళనృత్యం చేస్తున్న
Updated on: May 13, 2020 | 3:56 PM
ఓవైపు కోవిద్-19 రూపాంతరం చెందుతూ రోజురోజుకి శక్తివంతమవుతోంది. ఈ వైరస్ కట్టడికోసం చాలా దేశాలు వ్యాక్సిన్ కోసం పరిశోధనలు ముమ్మరం చేశాయి. కరోనా కరాళనృత్యం చేస్తున్న న్యూయార్క్ నగరంలో జూన్ వరకు లాక్డౌన్ అమలు చేయనున్నారు. రోజువారీ కేసులు, మరణాలు తగ్గుతున్నప్పటికీ అదుపులోకి వచ్చేంత వరకు ఇది తప్పదని మేయర్ బిల్ డె బ్లాసియో తెలిపారు. అయితే, న్యూయార్క్ నగరంలోనే 1.86 లక్షలపైగా కోవిద్-19 కేసులు నమోదవగా 14,928 మంది మృతిచెందారు.
కాగా.. న్యూయార్క్ రాష్ట్రంలోని ఇతర ప్రాంతాల్లో మే 15 నుంచి దశలవారీగా ఆంక్షలు ఎత్తివేయనున్నారు. ఫ్రాన్స్, బెల్జియం సహా ఆంక్షలను సడలిస్తున్న దేశాలకు ప్రపంచ ఆరోగ్య సంస్థ (డబ్ల్యూహెచ్వో) అత్యవసర విభాగ చీఫ్ డాక్టర్ మైఖేల్ ర్యాన్ హెచ్చరికల్లాంటి సూచనలు చేశారు. పటిష్ఠ కాంట్రాక్ట్ ట్రేసింగ్ వ్యవస్థ లేకుండా ముందుకెళ్లడం తగదన్నారు. అమెరికాలో ఆంక్షల సడలింపు పెద్దఎత్తున మరణాలు సంభవించే ప్రమాదం ఉందని కరోనాపై వైట్హౌ స్ టాస్క్ఫోర్స్ నిపుణుడు ఆంథోని ఫౌసీ తెలిపారు.
Also Read: ఏపీలో విద్యుత్ బిల్లుల చెల్లింపుపై.. ట్రాన్స్కో కీలక నిర్ణయం..!
