Viral Video: ట్రాఫిక్‌లో బోర్‌ కొట్టిందని పక్కనే ఉన్న మొసళ్ల నదిలో దూకేశాడు.. ఆ తర్వాత షాక్

మహానగరాల్లో ట్రాఫిక్ కష్టాలు మామూలే. మీరు ట్రాఫిక్‌లో ఇరుక్కుంటే ఏం చేస్తారు.. ఫోన్ తీసి టైంపాస్ చేస్తారు.. లేకపోతే కారులోనే ఉండి సాంగ్స్ వింటూ కూర్చుంటారు. కానీ ఇప్పుడు చెప్పబోయే వ్యక్తి ఏం చేశాడో తెలిస్తే షాక్ అవుతారు. ఇతడు చేసిన పిచ్చి పనిని నెటిజన్లు తప్పుబడుతున్నారు. ట్రాఫిక్‌లో బోర్‌ కొట్టిందని ఇతగాడు రోడ్డు ప్రక్కనే ఉన్న మొసళ్ల నదిలోకి దూకాడు. చావు తప్పి కన్నులొట్టపోయినట్లు.. అదృష్టం బాగుండి బయటపడ్డాడు. క్షేమంగా బయటపడటానికి అతను చాలానే శ్రమించాల్సి వచ్చింది. బయటపడ్డానని సంతోషించేలోపే.. అతన్ని పోలీసులు అరెస్టు చేశారు. ఈ సంఘటన అమెరికాలోని లూసియానాలో జరిగింది.

వివరాల్లోకి వెళ్తే.. లూసియానాకు చెందిన జిమ్మి ఇవాన్‌ జెన్నింగ్స్‌… కొద్ది రోజుల క్రితం నదిపై ఉన్న వంతెనపై ట్రాఫిక్‌లో ఇరుక్కుపోయాడు. 2 గంటలు గడిచినా ట్రాఫిక్‌ క్లియర్‌ కాలేదు. దీంతో బోర్‌ కొట్టి.. పక్కనే ఉన్న నదిలోకి దూకేశాడు. అయితే ఆ నదిలో ముసళ్లు ఉన్నట్లు అతడికి తెలియదు. నీళ్లలో పడ్డ తర్వాత అతడి నోటికి, ఎడమ చేతికి గాయమైంది. ఈత కొట్టడానికి ఇబ్బంది పడ్డాడు.

అలా దాదాపు గంటన్నర పాటు ఈదుతూనే ఉన్నాడు జిమ్మి. ఈత కొట్టే ఓపిక నశించినా ప్రాణం మీద ఆశతో ముందుకు వెళ్లాడు. చివరకు ఓ ఇసుక తిన్నెమీదకు చేరుకున్నాడు. ఆ తర్వాత నడుచుకుంటూ ఊర్లోకి అడుగుపెట్టాడు. అక్కడ పోలీసులు జిమ్మిని అరెస్ట్‌ చేశారు. ప్రస్తుతం ఈ ఘటనకు సంబంధించిన వీడియో ఒకటి సోషల్‌ మీడియాలో వైరల్‌గా మారింది. దీనిపై స్పందిస్తున్న నెటిజన్లు… జిమ్మి చేసిన పిచ్చి పనిని తప్పుబడుతున్నారు.

వీడియో దిగువన వీక్షించండి…

Also Read:  ‘ఖాకీ’ మూవీ స్టైల్లో దొంగతనాలు.. 15 ఏళ్లుగా ఆగడాలు.. పార్థీ గ్యాంగ్ ఆట కట్టించిన పోలీసులు

వైసీపీ ఎంపీల ఫిర్యాదు నేపథ్యంలో ఎంపీ రఘురామకు లోక్‌సభ సచివాలయం నోటీసులు