మనసున్న డాక్టర్‌ అల్తాఫ్‌ షేక్‌కు కోటిదండాలు

వైద్యో నారాయణో హరిః అన్నారు.. అంటే వైద్యుడు భగవంతుడితో సమానమన్నమాట! అంతటి చల్లటి మనసు ఉండేవాళ్లు చాలా అరుదు.. అలాంటి అరుదైన డాక్టర్లలో అల్తాఫ్‌ షేక్‌ ఒకరు.. ఆయన మహారాష్ట్రలోని ఔరంగాబాద్‌లో ప్రముఖ యూరాలజిస్ట్‌.. ఓ రోజు కిడ్నీ సమస్యతో బాధపడుతున్న శాంతాబాయ్‌ సూరద్‌ అనే ఓ వృద్ధురాలు ఆయన దగ్గరకు వచ్చింది.. తన దీనగాధ వినిపించింది.. తన ఇద్దరు కుమారులను పొగట్టుకుని ఆమెకు నా అన్నవారు లేరు.. ఒక కుమారుడు గుండెపోటుతో చనిపోతే, మరొక కుమారుడు ఏడేళ్ల కిందట దేశం కోసం ప్రాణాలర్పించాడు.. నిరుపేదరాలైన ఆమె కథ డాక్టర్‌ను కదిలించింది.. కంటతడి పెట్టింది.. వెంటనే హాస్పిటల్‌ మేనేజ్‌మెంట్‌తో మాట్లాడారు.. ఆమెకు ఉచితంగా సర్జరీ చేశారు. సర్జరీ విజయవంతమయ్యింది.. ఆమెను డిశ్చార్జ్‌ చేసే సమయంలో డాక్టర్‌ అల్తాఫ్‌ షేక్‌ భావోద్వేగానికి గురయ్యారు.. శాంతాబాయ్‌ సూరద్‌ను ఆత్మీయంగా ఆలింగనం చేసుకున్నాడు.. ఆమె కన్నీళ్లు తుడిచాడు.. తను కూడా కన్నీళ్లు పెట్టారు.. ఈ దృశ్యాన్ని చూసినవారి కళ్లన్ని చెమ్మగిల్లాయి.. ఈ వీడియో సోషల్‌ మీడియాలో చక్కర్లు కొట్టింది.. ఈ వీడియో చూసిన కాంగ్రెస్‌ నాయకుడు, మహారాష్ట్ర ప్రజా వ్యవహారాల శాఖ మంత్రి అశోక్‌ చావన్‌ను అల్తాఫ్‌ షేక్‌ను పర్సనల్‌గా పిలిపించుకుని అభినందించారు. ఆయనే కాదు చాలా మంది అల్తాఫ్‌ను మెచ్చుకుంటున్నారు.. వీడియోను చూసినవారు సంజయ్‌దత్‌ మున్నాభాయ్‌ ఎంబీబీఎస్‌ సినిమాను గుర్తు చేసుకుంటున్నారు.. అందులో కూడా సంజయ్‌దత్‌ అందరికీ ఆప్యాయంగా జాదూకీ జప్పీ ఇస్తుంటారు..