LG Eyes A New TV Tech: ఎల్జీ నుంచి సరికొత్త స్మార్ట్ టీవీ… త్వరలో క్యూఎన్ఈడీ టెక్నాలజీతో న్యూ వర్షన్…
ప్రముఖ గృహోప‌ర‌క‌ణాల త‌యారీ సంస్థ ఎల్జీ.. అత్యాధునిక క్యూఎన్ఈడీ టెక్నాలజీతో సరికొత్త స్మార్ట్ టీవీల‌ను ప్రవేశ‌పెట్టనుంది.
Updated on: Jan 02, 2021 | 7:26 AM
ప్రముఖ గృహోప‌ర‌క‌ణాల త‌యారీ సంస్థ ఎల్జీ.. అత్యాధునిక క్యూఎన్ఈడీ టెక్నాలజీతో సరికొత్త స్మార్ట్ టీవీల‌ను ప్రవేశ‌పెట్టనుంది.2021లో జరగనున్న కన్స్యూమర్ ఎలక్ట్రానిక్స్ షోలో ఈ కొత్త తరం టెలివిజన్లను ప్రదర్శిస్తామని ఎల్జీ సంస్థ ప్రకటించింది. ఈ టీవీల‌ను ఎన్ఈడీ అని పిలుస్తారు. ఇందులో మినీ ఎల్ఈడీ టెక్నాలజీని ఉప‌యోగించారు. ఇది టీవీ పరిశ్రమలో సరికొత్త ప‌రిణామంగా చెప్పుకోవ‌చ్చు. ఆపిల్ సంస్థ వచ్చే ఏడాది ఐప్యాడ్, మాక్బుక్ మోడళ్లలో దీనిని ఉపయోగించబోతోంది.
మెరుగైన వ్యూయింగ్ ఎక్స్‌పీరియ‌న్స్‌
మినీ ఎల్ఈడీ కొత్త టెక్నాలజీ ప్రకారం.. ఇందులో చిన్న ఎల్ఈడీ లైట్లను ఉపయోగిస్తారు. ఇది మంచి బ్రైట్నెస్ స‌పోర్ట్ ఇస్తుంది. సంప్రదాయ ఎల్ ఈడీ టెక్నాలజీకి భిన్నంగా చ‌క్కని కాంట్రాస్ట్ స్థాయిలు, తెరపై తక్కువ తీవ్రమైన హాలో ప్రభావాలను చూపుతుంది. ప్రస్తుతం చాలా ఎల్‌సీడీ స్క్రీన్‌లు పూర్తి శ్రేణి లోకల్ డిమ్మింగ్ టెక్నాలజీని ఉపయోగిస్తాయి, దీనిలో ఎల్ఈడీలు వాటి జోన్‌ల కంట్రోల్ చేయ‌బ‌డ‌తాయి. దీనికి విరుద్ధంగా, బ్రైట్నెస్ మరియు బ్లాక్ లెవ‌ల్ మారుతాయి. కానీ మినీ ఎల్ఈడీ టెక్నాలజీ కాస్త మెరుగ్గా ఉంటుంది.
ఎల్జీ సంస్థ తన ప్రీమియం 8కె, 4కె టెలివిజన్లు మినీ ఎల్ఈడీ టెక్నాలజీని ఉపయోగిస్తుందని పేర్కొంది. ఎల్జీ ప్రకారం, కొత్త బ్యాక్‌లైటింగ్ వ్యవస్థలో 30,000 చిన్న ఎల్ఈడీ ఎలిమెంట్స్ ఉన్నాయి, ఇవి కాంట్రాస్ట్ రేషియో 1,000,000: 1 తో పాటు 2,500 లోకల్ డిమ్మింగ్ జోన్‌లను ఉత్పత్తి చేయగలవు. ఈ చిన్న ఎల్ఈడీలు కూడా మాగ్జిమం బ్రైట్‌నెస్‌ను ఉత్పత్తి చేస్తాయి. దీని ప్రకారం.. పానెల్లు మంచి డిమ్మింగ్ లెవల్స్, బ్లాక్ లెవల్స్, మెరుగైన రంగు ఖచ్చితత్వం మరియు మెరుగైన హెచ్ఆర్డీ ను ఉత్పత్తి చేయగలవు.
కంపెనీల మునుపటి ప్రీమియం టీవీ మోడళ్ల మాదిరిగానే ఈ టెలివిజన్లన్నీ 120 హెర్ట్జ్ రిఫ్రెష్ రేట్‌కు స‌పోర్ట్ ఇస్తాయి. ఎల్జీ తన క్యూఎన్ఈడీ టీవీ సిరీస్ పూర్తిగా 86ఇంచుల పరిమాణంలో వస్తుందని తెలుస్తోంది. ప్రస్తుతం ఎల్జీతో పాటు, సోనీ మాత్రమే భారతదేశంలో ఒఎల్ఈడీ టెలివిజన్లను విక్రయిస్తోంది. అయితే ఎల్ జీ వచ్చే ఏడాది సీఈఎస్( కన్స్యూమర్ ఎలక్ట్రానిక్స్ షో)లో 10 టీవీ మోడళ్లను విడుదల చేస్తుందని భావిస్తున్నారు. తద్వారా టెలివిజన్ మార్కెట్లో క్యూఎన్ఈడీ అంటే ఏమిటో పూర్తి వివ‌రాలు మ‌న‌కు తెలుస్తాయి. మార్కెట్లో దిగ్గజ కంపెనీలు శామ్సంగ్, సోనీ మరియు ఇతర బ్రాండ్లు దీనికి ఎలా స్పందిస్తాయో చూడాలి.
Also Read: Prices Up: కొత్త సంవత్సరంలో పెరగనున్న వస్తువుల ధరలు… ఏ ఏ వస్తువుల ధరలు పెరుగుతాయంటే..?
