Naga Shaurya: అదరగొడుతున్న నాగశౌర్య… లక్ష్య సినిమా చివరి షెడ్యూల్ ఎప్పటి నుంచి అంటే..?

నాగశౌర్య హీరోగా తెరకెక్కుతోన్న చిత్రం ‘లక్ష్య’. సంతోష్‌ జాగర్లపూడి దర్శకత్వంలో రూపొందుతోన్న ఈ చిత్రాన్ని సోనాలి నారంగ్ సమర్పణలో శ్రీ వేంకటేశ్వర సినిమాస్‌ ఎల్‌ఎల్‌పి, నార్త్‌స్టార్‌ ఎంటర్‌టైన్‌మెంట్‌ పతాకాలపై నిర్మాతలు నారయణదాస్ కె. నారంగ్‌, పుస్కూర్‌ రామ్‌మోహన్‌రావు, శరత్‌ మరార్ సంయుక్తంగా నిర్మిస్తున్నారు. నాగశౌర్య సరసన కేతిక శర్మ హీరోయిన్‌గా నటిస్తోన్న ఈ చిత్రంలో ఒక కీలక పాత్రలో విలక్షణ నటుడు జగపతి బాబు నటిస్తున్నారు. నాగశౌర్య 20వ చిత్రంగా ప్రాచీన విలువిద్య నేపథ్యంలో స్పోర్ట్స్ బేస్డ్ ఫిలింగా అన్ని కమర్షియల్ హంగులతో ఈ మూవీ తెరకెక్కుతోంది.

ఇప్పటికే 70శాతం షూటింగ్ పూర్తిచేసుకున్న ఈ చిత్ర చివరిషెడ్యూల్ ఈ నెల 4 నుండి ప్రారంభంకానుందని చిత్రయూనిట్‌ ప్రకటించింది. కాగా నూతన సంవత్సర శుభాకాంక్షలతో సరికొత్త పోస్టర్ ని రిలీజ్ చేసింది చిత్రయూనిట్‌. నాగశౌర్య కుడి చేతికి కట్టు కట్టుకుని ఇంటెన్స్ లుక్‌లో ఉన్న ఈ పోస్టర్‌కు మంచి స్పందన వస్తోంది. ఈ మూవీ నుండి ఇప్పటికే విడుదలైన స్టన్నింగ్‌ ఫస్ట్‌లుక్, ఆ తర్వాత `ది గేమ్ విల్ నెవర్ బీ ద సేమ్’ అంటూ ఎయిట్‌ ప్యాక్ బాడీతో చేతిలో బాణం పట్టుకుని వారియర్ పోజ్ లో నాగశౌర్య ఉన్న లుక్‌లు మంచి స్పందనను రాబట్టుకున్నాయి. ఈ చిత్రానికి కాలభైరవ సంగీతం అందిస్తున్నారు.

Also Read:

Sonu Sood: కేబీసీ సెట్‌లో సోనూసూద్… అమితాబ్‌ను కలిసిన కలియుగ కర్ణుడు… ఎందుకో తెలుసా..?