కోటప్ప కొండ ఆలయంలో ఇద్దరు అర్చకులకు కరోనా

గుంటూరు జిల్లాలోని ప్రముఖ కోటప్ప కొండ త్రికోటేశ్వర స్వామి ఆలయంలో కరోనా కలకలం రేపింది. అక్కడ పనిచేసే ఇద్దరు ముఖ్య అర్చకులకు కరోనా పాజిటివ్‌గా నిర్ధారణ అయ్యింది. దీంతో ఈ నెల 18వరకు ఆలయంలో భక్తులకు దర్శనం నిలిపివేసినట్లు అధికారులు ప్రకటించారు. ఈ నాలుగు రోజుల్లో శానిటేషన్, శుద్ధి చేయనున్నట్లు వారు తెలిపారు. అయితే స్వామి వారి కైంకర్యాలు అర్చక స్వాములచే ఏకాంతముగా నిర్వహించబడతాయని ఆలయ కార్యనిర్వహణాధికారి ఎం. రామకోటి రెడ్డి వివరించారు. కాగా ఏపీలో కరోనా కేసులు రోజురోజుకు పెరుగుతున్నాయి. ఈ క్రమంలో రాష్ట్రంలో మొత్తం నమోదైన పాజిటివ్ కేసుల సంఖ్య 33,019కు చేరగా.. వారిలో ప్రస్తుతం 15,144 మంది చికిత్స పొందుతున్నారు. 408మంది ఈ వైరస్ సోకి మృత్యువాతపడ్డారు.