కరోనాలో నాగార్జున ఒక్కడే.!

వారం రోజుల క్రితం 61 వ వసంతంలోకి అడుగు పెట్టిన టాలీవుడ్ కింగ్ అక్కినేని నాగార్జున చెప్పినట్టే కథం తొక్కారు. బర్త్ డే రోజు అనౌన్స్ చేసినట్లే ఒకే రోజు రెండు షూటింగ్స్ చేస్తూ బిజీ బిజీ అయిపోయారు. ఒక పక్క ‘వైల్డ్ డాగ్’ షూటింగ్ చేస్తూనే మరో వైపు ‘బిగ్ బాస్ తెలుగు4’ షూటింగ్ లోనూ పాల్గొంటున్నారు. అంతేకాదు, ఒక్క రోజులోనే మూడు గెటప్స్ చేంజ్ చేసి షూటింగ్ లో పాల్గొంటున్నారు. ప్రస్తుతం టాలీవుడ్ లో రెండు ప్రాజక్టుల షూటింగ్స్ తో బిజీగా వర్క్ చేస్తోంది ‘కింగ్’ ఒక్కరే కావడం విశేషం.

ఇలాఉంటే, మన్మథుడు 2 డిజాస్టర్ తర్వాత నాగార్జున కొంత గ్యాప్ తీసుకుని ‘వైల్డ్ డాగ్’ సినిమా చేస్తున్నారు. నిరంజ‌న్ రెడ్డి, అన్వేష్ రెడ్డి నిర్మిస్తోన్న ఈ చిత్రానికి అహిషోర్ సాల్మోన్ ద‌ర్శ‌క‌త్వం వహిస్తున్నాడు. నాగ్ ఈమూవీలో ప్రధాన పాత్రలో అలరించనుండగా.. ఓ కీలక పాత్రలో హిందీ నటీ సయామీ ఖేర్ నటించనుంది. ఈ బ్యూటీ ఇంతకు ముందు సాయి ధరమ్ తేజ్ సరసన రేయ్ మూవీలో హీరోయిన్ గా నటించిన సంగతి తెలిసిందే.