పోలీసుల విచార‌ణ‌..సునిశిత్ గురించి కీల‌క విష‌యాలు వెలుగులోకి…

ప్ర‌ముఖ హీరోలు త‌న సినిమాల‌ను లాగేసుకున్నార‌ని, ఇక ప‌లువురు హీరోయిన్స్ తో త‌నకు సంబంధం ఉందంటూ సోష‌ల్ మీడియాలో హ‌ల్ చ‌ల్ చేసిన‌ సునిశిత్ అనే వ్యక్తిని కీస‌ర పోలీసులు అదుపులోకి తీసుకున్న సంగ‌తి తెలిసిందే. అయితే విచార‌ణ‌లో అత‌డి గురించి కీల‌క విష‌యాలు వెల్ల‌డయ్యాయి. సునిశిత్ కిసరలోని రాంపల్లిలో నివాసం ఉంటాడని పోలీసులు తెలిపారు. అత‌డు గురునానక్ కాలేజీలో అసిస్టెంట్ ప్రొఫెసర్ గా కొంతకాలం పనిచేశాడని, అక్క‌డ మహిళలను వేధిస్తున్నాడని ఇబ్రహీంపట్నంలో రెండు కేసులు నమోదయిన‌ట్లు పోలీసులు గుర్తించారు. స్టార్ కావాలని సినిమా రంగంలో ప్ర‌వేశించి, ఫేమస్ కావాలని ఆలోచ‌న‌తో అత‌డు రాంగ్ రూట్లో వెళ్లడం స్టార్ట్ చేశాడని తెలిపారు.

టాలీవుడ్ కు సంబంధించిన సెలబ్రిటీస్ ని కామెంట్ చేస్తే తొందరగా పాపులర్ కావచ్చని యూట్యూబ్ ఛానల్ లో కామెంట్లు చేసిన‌ట్లు పేర్కొన్నారు. కొంత మంది హీరోయిన్స్ పై కూడా సోషల్ మీడియాలో త‌ప్పుగా కామెంట్ చేసిన‌ట్టు గుర్తించామ‌ని పోలీసులు వెల్ల‌డించారు. తాను సీబీఐ సిబిఐ అధికారిని అని చెప్పుకుంటూ పోలీసులను కూడా అసభ్య పదజాలంతో కామెంట్ చేశాడని తెలిపారు. అది చూసి త‌మ‌ కానిస్టేబుల్ పోలీస్ స్టేషన్ లో ఫిర్యాదు చేయ‌డంతోనే..కేసు న‌మోదు చేసి అరెస్ట్ చేసిన‌ట్టు తెలిపారు. విచార‌ణ‌లో అతడి మాన‌సిక ప‌రిస్థితిని అంచ‌నా వేసి రౌడీ షీట్ ఓపెన్ చేయ‌బోతున్న‌ట్లు వివరించారు. ఇక అత‌డిని ఇంటర్వ్యూ చేసిన యూట్యూబ్ చానల్స్ కి కూడా నోటీసులు ఇవ్వ‌బోతున్న‌ట్లు కీసర ఇన్స్పెక్టర్ నరేందర్ గౌడ్ పేర్కొన్నారు.