పీకే సినిమాను సమంత రిజక్ట్ చేసిందా.?

‘మజిలీ’, ‘ఓ బేబీ’లతో వరుసగా సూపర్ హిట్స్ అందుకున్న టాలీవుడ్ స్టార్ హీరోయిన్ సమంత ప్రస్తుతం ఆచితూచి కథలను ఎంచుకుంటోంది. క్రేజీ ఆఫర్లు వస్తున్నప్పటికీ సామ్ వాటన్నింటికి నో చెప్పడం ఇప్పుడు ఇండస్ట్రీలో హాట్ టాపిక్ అయింది. రీసెంట్‌గా రెండు బాలీవుడ్ చిత్రాలను కాదన్నా ఈ బ్యూటీ పవర్ స్టార్ కమ్ బ్యాక్ మూవీ ‘పింక్’ రీమేక్‌కు కూడా ఒప్పుకోలేదని టాక్ వినిపిస్తోంది.

బాలీవుడ్ హిట్ మూవీ ‘పింక్’ను తెలుగులో నిర్మాత దిల్ రాజు, బోణి కపూర్ కలిసి సంయుక్తంగా నిర్మిస్తున్న సంగతి తెలిసిందే. ఇందులో ప్రధాన పాత్ర పోషించిన తాప్సీ రోల్‌కి మొదట సమంతాను సంప్రదించిందట చిత్ర యూనిట్. అయితే సామ్ మాత్రం ఈ ఆఫర్‌ను సున్నితంగా తిరస్కరించిందని సమాచారం. ‘మజిలీ’, ‘ఓ బేబీ’, ‘సూపర్ డీలక్స్’ ఇలా వరుసగా ప్రయోగాత్మక సినిమాలు చేస్తూ వచ్చాయని.. అందుకే ఈ సినిమా చేయలేనని చెప్పినట్లు తెలుస్తోంది.

కాగా, సమంతా ప్రస్తుతం ’96’ రీమేక్, ‘ది ఫ్యామిలీ మ్యాన్ 2′ వెబ్ సిరీస్‌లో నటిస్తోంది. ఇకపోతే శర్వానంద్ హీరోగా నటిస్తున్న ’96’ రీమేక్ వాలెంటైన్స్ డే కానుకగా విడుదల కానుంది.