Balakrishna: పానకాల లక్ష్మి నరసింహ స్వామిని దర్శించుకున్న బాలయ్య, బోయపాటి.. సినిమాను ఆదరించిన ప్రేక్షకులకు…

Balakrishna – Akhanda: అఖండ సినిమా ఘన విజయంతో చిత్ర యూనిట్ ఫుల్లు ఖుషీలో ఉంది. హీరో నందమూరి బాలకృష్ణ, దర్శకుడు బోయపాటి అఖండ భారీ విజయం నేపథ్యంలో బుధవారం మంగళగిరి పానకాల లక్ష్మీ నరసింహ స్వామి వారిని దర్శించుకున్నారు. బాలకృష్ణతో పాటు ఇతర చిత్ర స్వామి బృంద సభ్యులు కూడా శ్రీ లక్ష్మీ నరసింహ స్వామి వారిని దర్శించుకున్నారు. బాలకృష్ణ సహా చిత్ర యూనిట్ స్వామివారికి తమ మొక్కులు చెల్లించుకున్నారు.

కరోనా ఓ వైపు, సినిమా టికెట్ ధరలు మరో వైపు ఇలాంటి పరిస్థితుల్లో కూడా తాము అఖండ సినిమా రిలీజ్ చేశామని చెప్పారు. అయితే అఖండ సినిమా రిలీజై ఘన విజయం సాధించిన తర్వాత నిర్మాతలకు ధైర్యం వచ్చిందని బాలయ్య చెప్పారు. ఇప్పుడు చాలా మంది సినిమాలు విడుదల చేసేందుకు ముందుకొస్తున్నారని వివరించారు. దర్శకులు ముందుకొచ్చి మంచి కథ తెస్తే.. మల్టీస్టారర్‌ చేస్తానని తెలిపారు. ‘అఖండ’ సినిమాను ఆదరించిన ప్రేక్షక దేవుళ్లకి కృతజ్ఞతలు తెలిపారు బాలయ్య.

Also Read:  ప్రపంచంలోనే ఖరీదైన ‘మనోహరి గోల్డ్ టీ’ పొడి .. కిలో ధర ఎంతో తెలిస్తే షాక్..