Smoking: సాధారణ సిగరెట్ కంటే ఈ- సిగరెట్ ఎంత ప్రమాదకరమో తెలుసా..?
ఈ- సిగరెట్ అలవాటు యూత్లో క్రేజ్గా పుంజుకుంటుంది..అన్నది మాత్రం నిజంగా ఆందోళన కలిగించే విషయంగానే చెప్పాలి. సాధారణ సిగరెట్లు హాని కలిగించవచ్చని చాలా మంది నమ్ముతారు, అయితే ఇ-సిగరెట్లు పూర్తిగా సురక్షితమైనవి కావు.
Updated on: Nov 04, 2022 | 10:07 AM
ప్రస్తుతం చాలా మంది యువత ఈ-సిగరెట్ను మత్తుగా వాడుతున్నారు. దీని వ్యసనం కూడా ప్రస్తుత కాలంలో వేగంగా పెరుగుతోంది. ముఖ్యంగా ఈ- సిగరెట్ అలవాటు యూత్లో క్రేజ్గా పుంజుకుంటుంది..అన్నది మాత్రం నిజంగా ఆందోళన కలిగించే విషయంగానే చెప్పాలి. సాధారణ సిగరెట్లు హాని కలిగించవచ్చని చాలా మంది నమ్ముతారు, అయితే ఇ-సిగరెట్లు పూర్తిగా సురక్షితమైనవి కావు. ఈ-సిగరెట్లు తాగడం కూడా ఆరోగ్యానికి హానికరం. ఇది గుండెకు తీవ్రమైన హానిని కలిగిస్తుంది. ప్రతిరోజూ ఇ-సిగరెట్ తాగేవారి గుండె, రక్తనాళాల పనితీరు క్షీణిస్తుంది. అనేక రకాల సమస్యలు మొదలవుతాయి. ఈ సిగరెట్ వల్ల కలిగే నష్టాలను గురించి ఇక్కడ తెలుసుకుందాం.
E-సిగరెట్- సాధారణ సిగరెట్ మధ్య వ్యత్యాసం.. సాధారణ సిగరెట్లలో పొగాకు, నికోటిన్ ఉంటాయి, అయితే ఇ-సిగరెట్లలో నికోటిన్ మాత్రమే ఉంటుంది. నికోటిన్ బాధితుల్ని దానికి బానిసగా మార్చేసుకుంటుంది. సాధారణ సిగరెట్ల కంటే ఇ-సిగరెట్లు తక్కువ హానికరం. ఈ-సిగరెట్ పొగ ఇతర ధూమపాన వస్తువుల మాదిరిగానే ప్రమాదకరమైనది.
ఇ-సిగరెట్ గుండెకు ప్రమాదం.. ఒక అధ్యయనం ప్రకారం, ఈ-సిగరెట్ తాగిన 15 నిమిషాల్లో వ్యక్తుల హృదయ స్పందన రేటు పెరుగుతుంది. దీని కారణంగా శరీరం ‘ఫైట్ అండ్ ఫ్లైట్’ మోడ్ ఆన్ చేయబడుతుంది. దీని కారణంగా వారి రక్తపోటు పెరగడం ప్రారంభమవుతుంది. అటువంటి పరిస్థితిలో గుండెపై ఒత్తిడి పెరుగుతుంది. దానికి ఎక్కువ ఆక్సిజన్ (O2) అవసరం. దీని వల్ల ధమని గోడలు దెబ్బతినే అవకాశం ఉంది. ఇ-సిగరెట్ లేదా సాధారణ సిగరెట్ తాగిన వెంటనే రక్తపోటు, హృదయ స్పందన రేటు, రక్తనాళాల టోన్లో మార్పులు సంభవిస్తాయి. ఈ సిగరెట్లు తాగడం వల్ల మెదడు దెబ్బతినే ప్రమాదం కూడా ఉంది.
యువతలో గుండెపోటు ముప్పు .. గత కొన్నేళ్లుగా ప్రపంచంలో గుండెపోటు కేసులు వేగంగా పెరుగుతున్నాయి. ముఖ్యంగా యువత కూడా గుండెపోటుకు గురవుతున్నారు. హృదయాన్ని ఆరోగ్యంగా ఉంచుకోవడానికి ధూమపానం మానేయాలని ప్రజలకు సలహా ఇస్తారు. కానీ, ఇప్పటికీ పెద్ద సంఖ్యలో ప్రజలు ధూమపానం చేస్తారు. పొగతాగడం మానేసిన తర్వాత ఎప్పటికప్పుడు ఆరోగ్య పరీక్షలకు కూడా వెళ్లాలని ఆరోగ్య నిపుణులు సూచిస్తున్నారు.
మరిన్ని లైఫ్ స్టైల్ న్యూస్ కోసం ఇక్కడ క్లిక్ చేయండి
