ఆర్జీవీ పై నేడే పోరాడుదాం రండి: దిశ తండ్రి పిలుపు

తన కూతురు దిశ అత్యాచారోదంతంపై వర్మ తీస్తున్న సినిమా (‘దిశ ఎన్ కౌంటర్’) ఆపాలంటూ నిన్న డిమాండ్ చేసిన దిశ తండ్రి శ్రీధర్ రెడ్డి మళ్లీ టీవీ9 ముందుకొచ్చారు. ఈ సినిమా నిర్మాత నట్టికుమార్ .. టీవీ9తో దిశ తండ్రి చేసిన వ్యాఖ్యలపై నిన్ననే వివరణ ఇచ్చినప్పటికీ శ్రీధర్ రెడ్డి ఆగ్రహం చల్లారటంలేదు. ఇది దిశ బయోపిక్ కాదంటూ నట్టికుమార్ చెప్పుకొచ్చిన మాటల్ని శ్రీధర్ రెడ్డి తీవ్రంగా ఖండించారు. వర్మ శవాల మీద డబ్బులు ఎరుకుంటున్నాడు అంటూ టీవీ9 తో శ్రీధర్ రెడ్డి అన్నారు. ఈ ఉదయం 9.30 గంటలకు వర్మ ఇంటిముందు ధర్నాకు దిగుతున్నానని ప్రకటించారు. రెడ్డి సంఘంతో కూడి ధర్నాలో పాల్గొంటామని వెల్లడించారు. నా కుటుంబానికి జరిగిన అన్యాయాన్ని ఇంకా మరచిపోక ముందే మళ్ళీ ఇలా చేయడం మా దురదృష్టం అని ఆతండ్రి వాపోయారు.

దిశ ఘటన సమయంలో మాకు తోడున్న ప్రజలు ఇప్పుడు మళ్లీ మాకు బాసటగా నిలవాలని కోరుతున్నానని ఆయన పిలుపునిచ్చారు. “ఆర్జీవీ దిశ పేరుతో ట్రయిలర్ రిలీజ్ చేసి మళ్ళీ మమ్మల్ని రోడ్డున నిలబెడుతున్నాడు. నా కూతురుకు జరిగే అన్యాయాన్ని ఎట్టిపరిస్థితుల్లోనూ అనుమతించను. నా కూతురికి జరిగిన దారుణాన్ని మరువక ముందే.. ఆ విదారక ఘటనను మళ్లీ సినిమా తెరకు ఎక్కించి కాసులకు కక్కుర్తి పడటం మంచి పద్ధతి కాదు” అని దిశ తండ్రి శ్రీధర్ రెడ్డి అన్నారు.