ధోనీకి అరుదైన గౌరవం…!

అంతర్జాతీయ క్రికెట్‌కు రిటైర్మెంట్ ప్రకటించిన మాజీ టీమిండియా కెప్టెన్ మహేంద్ర సింగ్ ధోనీని సత్కరించేందుకు వాఖడే స్టేడియం ప్లాన్ చేస్తోంది. స్టేడియంలోని ఓ సీటును ధోనీ పేరుతో రిజర్వ్ చేస్తోంది. 2011 ప్రపంచకప్ లో ధోనీ తన హెలికాప్టర్ సిక్స్ తో భారత్ కు విజయాన్నందించిన విషయం తెలిసిందే.

ధోనీ ఆ రోజు కొట్టిన సిక్స్ స్టాండ్స్ లో ఎక్కడైతే ల్యాండ్ అయిందో అక్కడ ఉన్న సీట్‌కు ధోనీ పెరు పెట్టనున్నట్లు తెలుస్తోంది. ఈ మేరకు ముంబై క్రికెట్ అసోసియేషన్ అపెక్స్ కౌన్సిల్ సభ్యుడు ఆజింక్య నాయక్ ప్రతిపాదించారు. ఆ సీట్ కు కొత్తగా పెయింట్ వేసి చక్కగా అలంకరిస్తామని చెప్పారు. వాంఖడే స్టేడియంతో ధోనీకి గల అనుబంధాన్ని తెలిపేలా ఇది ఉంటుందని  ఆజింక్య నాయక్ తెలిపారు. ఈ నేపథ్యంలో వాంఖడేలో ధోనీ పేరున ఓ సీట్ ఏర్పాటు చేయడం అతడికి ఓ గొప్ప బహుమతిగా చెప్పవచ్చు.