ఈ మందులను నిల్వ ఉంచండి: మెడికల్ షాపులకు డీసీఏ సూచన

కరోనా కేసులు రోజురోజుకు ఎక్కువవుతున్న నేపథ్యంలో తెలంగాణలోని హోల్‌సేల్‌, రిటైల్‌ మెడికల్ షాపులకు డ్రగ్స్ కంట్రోల్ అడ్మినిస్ట్రేషన్‌(డీసీఏ) పలు సూచనలు చేసింది. కరోనా వైరస్‌ని ఎదుర్కొనేందుకు ఉపయోగపడే మందులను నిల్వ చేసుకోవాలని మెడికల్ షాపులకు డీసీఏ స్పష్టం చేసింది. హోంఐసోలేషన్‌లో ఉన్న వారు మెడికల్ షాపుల మీదే ఆధారపడతారని, ప్రజలకు అందుబాటులో ఉండే విధంగా వీటి స్టాక్‌ను పెట్టుకోవాలని డీసీఏ సూచించింది. డీసీఏ సూచించిన లిస్ట్‌లో అజిత్రోమైసిన్, డొక్సిసిలిన్, అమోక్సిసిల్లిన్‌ విత్‌ క్లావులానిక్‌ యాసిడ్, సిఫిక్సిమ్, సిఫొటాక్సిమ్‌, సిట్రిజన్‌ లేదా ఫెక్సొఫెనాడిన్‌, పారాసిటమల్,‌  డెక్సామెథజోన్‌ లేదా మిథైల్‌ ప్రిడ్సిసొలోన్‌, జింక్, విటమిన్‌ సి, విటమిన్‌ డి, బెనడ్రైల్‌ లేదా ఆంబ్రాక్సిల్(దగ్గు మందు),‌ హైడ్రాక్సీక్లోరోక్విన్,‌  ఓసెల్టాంవీర్‌లు ఉన్నాయి. ముందు జాగ్రత్త చర్యల్లో భాగంగా వీటిని నిల్వ చేసుకోవాలని వివరించింది.