తక్కువ ఛార్జీకే రాపిడో బైక్ ఎక్కాడని…ప్రయాణికుడిపై ఆటో డ్రైవర్ దాడి?

దేశ టెక్ రాజధాని బెంగళూరులో ప్రయాణికుల భద్రతను ప్రశ్నార్థకం చేసే భయానక ఘటన చోటు చేసుకుంది. తక్కువ ఛార్జీలకే వస్తుందని ఆటోకు బదులుగా రాపిడో బైక్ ట్యాక్సీని ఎక్కిన ఒక ప్రయాణికుడిపై ఆగ్రహించిన ఆటో డ్రైవర్, కదులుతున్న బైక్‌ను వెంబడించి భౌతిక దాడికి యత్నించాడు. ఈ ఘటన బాధితుడు సోషల్ మీడియాలో పంచుకోవడంతో వెలుగులోకి వచ్చింది.బాధితుడు తెలిపిన వివరాల ప్రకారం, రెండు నుంచి మూడు కిలోమీటర్ల దూరానికి ఆటో డ్రైవర్లు రూ. 120 వరకు డిమాండ్ చేయడంతో, అతను రాపిడో బైక్ ట్యాక్సీని బుక్ చేసుకున్నాడు. బైక్ ఎక్కిన కొద్దిసేపటికే, ఒక ఆటో డ్రైవర్ వారి వాహనాన్ని వెంబడించడం ప్రారంభించాడు. క్షణాల వ్యవధిలోనే కదులుతున్న బైక్‌పై ఉన్న ప్రయాణికుడి చేయి పట్టుకుని కిందకు లాగేందుకు ప్రయత్నించాడు. ఈ దాడి సమయంలో తాను తీవ్ర భయాందోళనలకు గురయ్యానని, ఒకవేళ కిందపడి ఉంటే ప్రాణాపాయం తప్పేదని బాధితుడు ఆవేదన వ్యక్తం చేశాడు.బైక్ ట్యాక్సీల వల్ల తమ ఉపాధి దెబ్బతింటుందని ఆటో డ్రైవర్లలో ఆందోళన ఉండవచ్చని, అయితే ప్రయాణికుల ప్రాణాలతో చెలగాటం ఆడుతూ భౌతిక దాడికి దిగడం ఎంతమాత్రం క్షమించరాని నేరమని బాధితుడు అభిప్రాయపడ్డాడు. ఈ పోస్ట్‌పై నెటిజన్లు తీవ్ర ఆగ్రహం వ్యక్తం చేస్తూ, ఇది హత్యాయత్నంతో సమానమని, పోలీసులు తక్షణ చర్యలు తీసుకోవాలని డిమాండ్ చేస్తున్నారు. బెంగళూరులో ఆటో డ్రైవర్లు, బైక్ ట్యాక్సీల మధ్య పెరుగుతున్న వైరం ఇలాంటి దాడులకు దారితీసి, ప్రయాణికులను తీవ్ర భయాందోళనలకు గురిచేస్తోంది.

మరిన్ని వీడియోల కోసం :

భారీగా తగ్గిన బంగారం ధర

ప్రమోషన్స్‌లో దూసుకుపోతున్న ‘రామాయణ’ టీమ్

సౌత్‌ డైరెక్టర్‌కి గ్రీన్‌ సిగ్నల్ ఇచ్చిన హృతిక్ రోషన్‌

పెళ్లి పీటలెక్కనున్న మోస్ట్ ఎలిజిబుల్ బ్యాచ్‌లర్స్

దసరా జోరు.. దీపావళి వరకు కొనసాగేనా మరి..?