ఫొని ఎఫెక్ట్ : 1999 తర్వాత మళ్లీ ఇప్పుడే..!

1999లో జరిగిన బీభత్సమే ఇప్పుడు జరగబోతోందంటోంది వాతావరణ శాఖ. అప్పటి తుఫాన్ బీభత్సానికి దాదాపు 10వేల మంది మృత్యువాత పడ్డారు. వేల కోట్ల ఆస్తినష్టం సంభవించింది. దాని ప్రభావం నుంచి కోలుకునేందుకు ఏళ్లు పట్టింది. ఇప్పుడు ఫొని తుఫాన్ కూడా అంతకు మించి ఉంటుందనే అంచనాకొస్తున్నారు అధికారులు. అంతటి ప్రభావం ఉంటుంది కాబట్టే ఈ తుఫాన్‌కు ఫొని అని నామకరణం చేసినట్లు తెలుస్తోంది.

బంగ్లాదేశ్ ప్రతిపాదించిన ఈ పేరుకు అర్థం స్నేక్.. అనే అర్థం వచ్చే పెట్టారు. సూపర్ సైక్లోన్‌గా మారిన ఫొని.. ప్రస్తుతం శ్రీకాకుళానికి ఆగ్నేయ దిశగా 60 కిలోమీటర్ల దూరంలో ఉంది. ఈ సాయంత్రం ఒడిశాలోని గోపాల్ పూర్ – చాంద్‌బలి మధ్య తీరం దాటే అవకాశం ఉంది. తీరం దాటే సమయంలో గంటకు 170 నుంచి 180 కిలోమీటర్ల వేగంతో ఈదురు గాలులు వీస్తాయని అధికారులు చెబుతున్నారు.