సాయం కోసం భిక్షాటన చేసిన ప్రముఖ నటుడు శంకర్ !

నటుడు శంకర్ ఈ లాక్ డౌన్ సమయంలో పరాన్నజీవి సినిమాలో నటించి  వార్తల్లో వ్యక్తిగా నిలిచాడు. అంతేకాదు మరోవైపు సహాయక కార్యక్రమాలు చేస్తూ తన మంచి మనసు చాటుకుంటున్నాడు. ఇటీవల లక్షా పది వేలు వెచ్చించి ఓ రైతు కూలీ కుటుంబానికి కాడెద్దులు-నాగలి అందజేశాడు శంకర్. తాజాగా కరోనా కారణంగా కకావికలమైన ఏడు కుటుంబాలను ఆదుకున్నాడు. ఇందుకోసం ఆయన కరీంనగర్ వీధుల్లో భిక్షాటన చేశారు. దీని ద్వారా సుమారు 90 వేలు సమకూరగా… మిగిలిన డబ్బులు తను జోడించి… మొత్తం లక్ష రూపాయలతో… కరీంనగర్ లోని ఏడు కుటుంబాలకు ఆర్ధిక సాయం అందించారు.

ఈ సేవా కార్యక్రమం తాను చేపట్టేలా ప్రేరేపించి… అందుకు తనకు సహకరించిన మహేంద్ర, వెంకట్ రెడ్డి, గోపాల్ రెడ్డి, బిటిఆర్ లకు శంకర్ కృతజ్ఞతలు తెలిపారు. నెలకొకసారి ఇలాంటి సేవా కార్యక్రమం చేయాలనుకుంటున్నానని, అందుకు ఆ సర్వేశ్వరుడి అనుగ్రహం వేడుకుంటున్నానని శంకర్ పేర్కొన్నారు.

Also Read :

ఒక్క రోజులో రేషన్ కార్డ్, జగన్ సర్కార్ నయా రికార్డ్

విశాఖ మణ్యంలో అంతు చిక్కని వ్యాధి, గిరిజనులు మృతి

ప్రాణాలు నిలిపిన డాక్టర్లకు ఆ వృద్ధ రైతు పంపిన గిఫ్ట్ ఏంటో తెలుసా?