ముగిసిన సిద్ధార్థ్ అంత్యక్రియలు..!

కెఫే కాఫీడే సృష్టికర్త సిద్ధార్థ చరిత్ర ముగిసింది. ఆయన ఎంతో ఇష్టపడే కాఫీ ఎస్టేట్‌లోనే అంత్యక్రియలు ముగిశాయి. కర్నాటకలోని చిక్‌మంగళూరు జిల్లా చాతనపల్లి ఎస్టేట్‌లో కాఫీ కింగ్ సిద్ధార్థ్‌కు అంతిమ వీడ్కోలు పలికారు జనం. వేలాదిమంది అంత్యక్రియలకు హాజరయ్యారు.

సిద్దార్థ్ కుటుంబసభ్యులతో పాటు పలువురు రాజకీయ ప్రముఖులు, వ్యాపారవేత్తలు అంత్యక్రియలకు హాజరయ్యారు. కెఫే కాఫీ డే సిబ్బందితో పాటు.. మూడు జిల్లాల నుంచి కాఫీ తోట కార్మికులు తరలివచ్చారు. సిద్ధార్థ ఎన్నో కలలు కన్నారు.. భారత్‌కు చెందిన 20 బ్రాండ్లు ప్రపంచాన్ని శాసిస్తాయని తరచూ చెబుతూండేవారు. ఆ బ్రాండ్‌లలో కెఫే కాఫీ డే తప్పక ఉంటుందని చెప్పేవారు. తాను అనుకున్నది సాధించారు సిద్ధార్థ.. కానీ అనుకోని పరిస్థితిలో ఆత్మహత్య చేసుకోవాల్సి వచ్చింది.