Air Lift: బోయింగ్ 737 విమానం.. ఒక్కడే ప్రయాణీకుడు..4 వేల కిలోమీటర్లు..ఎందుకంటే..
ఒక విమానం కేవలం ఒక ప్రయాణీకుడితో 2,500 మైళ్ళు (4,000 కిలోమీటర్లకు పైగా) ప్రయాణించింది. ఇజ్రాయెల్ జాతీయ విమానయాన సంస్థ ఎల్ అల్ టెల్ అవీవ్ నుండి కాసాబ్లాంకాకు బోయింగ్ 737 జెట్ ప్రయాణించింది.
Updated on: May 01, 2021 | 5:21 PM
Air Lift: ఒక విమానం కేవలం ఒక ప్రయాణీకుడితో 2,500 మైళ్ళు (4,000 కిలోమీటర్లకు పైగా) ప్రయాణించింది. ఇజ్రాయెల్ జాతీయ విమానయాన సంస్థ ఎల్ అల్ టెల్ అవీవ్ నుండి కాసాబ్లాంకాకు బోయింగ్ 737 జెట్ ప్రయాణించింది. ఒక పేషెంట్ కు అత్యవసర వైద్య చికిత్స కోసం ఈ విమానం ప్రయాణించింది. ఈ బోయింగ్ 737 రెండు క్లాసుల విధానంలో ఉంటుంది. ఇందులో 160 మంది ప్రయాణికులు ప్రయాణించే అవకాశం ఉంది. అయితే, ఈ విమానంలో కేవలం ఒక ప్రయాణీకుడు మాత్రమే ఉన్నారు. అతను ప్రముఖ ఇజ్రాయెల్ వ్యాపారవేత్త అని చెబుతున్నారు. కేవలం కరోనా సోకుతుంది అనే భయంతో తన వైద్య అవసరాల కోసం ఈ వ్యాపారి విమానం మొత్తం తానే బుక్ చేసుకున్నాడట.
ట్రాకింగ్ వెబ్‌సైట్ ఫ్లైట్‌రాడార్ 24 నుండి వచ్చిన సమాచారం ప్రకారం, ఫ్లైట్ ఎల్‌వై 5051 టెల్ అవీవ్ బెన్ గురియన్ విమానాశ్రయం నుండి 14:20 గంటలకు బయలుదేరి 17:22 వద్ద కాసాబ్లాంకాలో ల్యాండ్ అయింది, కేవలం ఆరు గంటలు మాత్రమే పట్టింది. జెట్ 19:10 గంటలకు బయలుదేరి తెల్లవారుజామున 3 గంటలకు ముందే తిరిగి టెల్ అవీవ్‌లో దిగింది. తిరుగు ప్రయాణానికి ఐదు గంటలలోపు పట్టింది.
స్థానిక ఏవియేషన్ రిపోర్టర్ ఇటే బ్లూమెంటల్ ఇజ్రాయెల్ జాతీయ క్యారియర్ ఫ్లైట్ గురించి ట్వీట్ చేశారు. ” త్వరలో ఇజ్రాయెల్‌లో వైద్య చికిత్స కోసం మొరాకోలో నివసిస్తున్న ఇజ్రాయెల్ వ్యాపారవేత్తను తీసుకురావడానికి బెన్ గురియన్ విమానాశ్రయం నుండి నేరుగా మొరాకోలోని కాసాబ్లాంకా నగరానికి అంబులెన్స్ ఫ్లైట్ (ఎల్‌వై 5051) ఎక్కుతారు. ఈ విమానం ఇజ్రాయెల్‌లో వైద్య చికిత్స కోసం వెళుతోంది. రాత్రి తిరిగి వస్తుంది.” అంటూ బ్లూమెంటల్ ట్వీట్ చేశారు.
మరో ట్వీట్‌లో, ఈ విమానాన్ని మడస్సిస్ మెడికల్ ఫ్లైట్స్ అనే సంస్థ నిర్వహించిందనీ, ఇది “ఇంటెన్సివ్ కేర్ టీం అలాగే, అధునాతన వైద్య పరికరాలను విమానంలో ఏర్పాటు చేసింది. దీనిని అసుటా ఇంటెన్సివ్ కేర్ మేనేజర్, కంపెనీ మెడికల్ డైరెక్టర్ డాక్టర్ అమీ మాయో పర్యవేక్షించారు. ” అని పేర్కొన్నారు.
COVID-19 కు గురికాకుండా ఉండటానికి రిచర్డ్ ముల్జాదిమాన్ మొత్తం విమానాలను బుక్ చేసుకున్నాడు అని ఆ రిపోర్టర్ చెప్పారు. అయితే, దానికోసం అప్పటికే టికెట్లు బుక్ చేసుకున్న వారికి విమానం క్యాన్సిల్ అయిందని చెప్పారని తెలిపారు. డబ్బు వేదజల్లితే విమానం ఒక్కడి కోసం ఎంతదూరం అయినా వెళుతుంది అని ఆయన పేర్కొన్నారు. ఈ విమాన ప్రయాణం కోసం రిచర్డ్ మొత్తం సొమ్ము చెల్లించారు అని చెప్పారు.
Also Read: Viral News: బొమ్మ గన్ తో దొంగ‌త‌నం చేయ‌డానికి వ‌చ్చాడు.. క‌ట్ చేస్తే ఊహించ‌ని ట్విస్ట్
