బోయపాటి సినిమాలో బాలకృష్ణకు జోడీగా మళ్లీ అంజలి!

నందమూరి నటసింహం బాలకృష్ణ, బోయపాటి కాంబినేషన్లో తెరకెక్కుతోన్న మూడో మూవీలో హీరోయిన్ ఫైనల్ చేశారు. బాలయ్యకు జోడీగా అంజలిని తీసుకుంటున్నట్టు టాలీవుడ్ వర్గాల తాజా సమాచారం. గతంలో బాలకృష్ణ నటించిన ‘డిక్టేటర్’ సినిమాలోకూడా అంజలి హీరోయిన్. లాక్ డౌన్ కి ముందు ఈ చిత్రానికి సంబంధించిన కొంత చిత్రీకరణ జరిగింది. ఇప్పుడు మళ్లీ ఒక్కొక్కరూ షూటింగులు ప్రారంభిస్తుండడంతో ఈ చిత్రం యూనిట్ కూడా రెడీ అవుతోంది. ఈ నెలలోనే షెడ్యూలు హైదరాబాద్ లో మొదలవుతుందని సమాచారం. అయితే, బాలయ్య సరసన కొత్త అమ్మాయిని హీరోయిన్ గా తీసుకోవాలని బోయపాటి మొదట భావించినప్పటికీ కరోనా నేపథ్యంలో ఏర్పడిన పరిస్థితుల రీత్యా ఆ ఎంపిక కుదరలేదని తెలుస్తోంది.