ఇక్కడ గుట్కా సీజ్, అక్కడ సచిన్ జోషి అరెస్ట్, లింకేంటంటే..!

ఈ ఏడాది మార్చిలో  భారీ మొత్తంలో గుట్కాను సీజ్ చేసిన హైదరాబాద్ పోలీసులు నిందితులను అదుపులోకి తీసుకుని కేసు నమోదు చేశారు. అయితే  వారిని విచారించగా.. గుట్కా తరలింపు వ్యవహారంలో ఆశ్యర్యకరంగా ప్రముఖ నటుడు, వ్యాపారవేత్త సచిన్ జోషి పేరు తెరపైకి వచ్చింది. దీంతో హైదరాబాద్ పోలీసులు సచిన్ జోషిపై క్రిమినల్ పీనల్ కోడ్ 41 సెక్షన్ కింద కేసు నమోదు చేసి లుకౌట్ నోటీసులు జారీచేశారు. అయితే తాజాగా ముంబై ఇంటర్నేషనల్ ఎయిర్ పోర్టులో సచిన్ జోషిని ఇమ్మిగ్రేషన్ అధికారులు అదుపులోకి తీసుకున్నారు. దుబాయ్ నుంచి ముంబైకి రాగానే అతడిని అరెస్ట్ చేసి..తదుపరి విచారణ నిమిత్తం హైదరాబాద్ కు తరలించారు.( కీసర మాజీ తహశీల్దార్ నాగరాజు ఆత్మహత్య ! )

“ఈ ఏడాది మార్చి నెలలో హైదరాబాద్‌లో 80 గుట్కా బాక్సులను స్వాధీనం చేసుకున్నాం. మార్కెట్ లో వీటి విలువ లక్షల్లో ఉంటుంది. విచారణలో సచిన్ జోషి పేరు బయటకు రావడంతో అతనిపై బహదూర్ పురా పోలీస్ స్టేషన్ లో ఐపీసీ సెక్షన్ 336, 273 కింద కేసు నమోదైంది. లుకౌట్ నోటీసుల జారీ చేశాం. అతడు ముంబై ఎయిర్ పోర్టులో దిగగానే అదుపులోకి తీసుకున్నాం” అని పోలీస్ ఉన్నతాధికారి ఒకరు తెలిపారు. ( హైదరాబాద్ ప్రజలకు అలెర్ట్‌: 3 రోజులు బయటకు రావొద్దు )