సినిమాల్లోకి ‘లక్ష్మీ పార్వతి’.. ఎంట్రీ కన్ఫామ్..!

ఇతర నాయకులతో సమానంగా.. రాజకీయాల్లో.. ప్రధాన పాత్ర పోషిస్తూ వచ్చారు లక్ష్మీపార్వతి. మాజీ ముఖ్యమంత్రి ఎన్టీఆర్ కన్నుమూసిన తరువాత.. ఆమె రాజకీయాల్లో కీలక వ్యక్తిగా మారారు. లక్ష్మీ పార్వతి అంటే కేవలం ఎన్టీఆర్ సతీమణిగానే కాకుండా.. నటన పరంగా కూడా.. ఆమెకు ప్రాముఖ్యత ఉంది. ఎన్టీఆర్‌కు పరిచయం అవకముందు లక్ష్మీ పార్వతి.. నాటక రంగంలో పలు నాటకాలు వేసేవారు. ఇప్పుడు.. ఆ అనుభవంతోనే ఆమె సినిమాల్లోకి రాబోతున్నారు. అంతేకాకుండా.. ఈ విషయాన్ని లక్ష్మీ పార్వతి.. కన్ఫామ్ కూడా చేశారు. ఇటీవలే ఈ విషయంపై ఓ మీడియా సమావేశంలో క్లారిటీ ఇచ్చారు.

నాగార్జునతో ‘ఢమరుకం’ సినిమా చేసిన డైరెక్టర్ శ్రీనివాస రెడ్డి.. లక్ష్మీపార్వతిని సిల్వర్ స్క్రీన్‌కి పరిచయం చేయబోతున్నారు. ఇటీవలే.. ‘రాగల 24 గంటల్లో’ సినిమా తీసిన శ్రీనివాసరెడ్డి.. ఆ తర్వాత సినిమా లక్ష్మీ పార్వతితో చేయబోతున్నట్టుగా సమాచారం. అంతేకాకుండా.. ఈ సినిమాకి ‘రాధాకృష్ణ’ అనే టైటిల్ కూడా ఖరారు చేశారు. ఉమెన్ ఓరియెంటెడ్ సినిమాలో.. కథను మలుపు తిప్పే పాత్రలో లక్ష్మీ పార్వతి కనిపిస్తారని తెలుస్తోంది.