అమ్మ అపస్మారక స్థితిలో.. తమ్ముడు గుక్కెట్టి ఏడుస్తున్నాడు.. ఆ చిట్టి తల్లి ఏం చేసిందంటే

ఆ చిట్టి తల్లికి సరిగ్గా మాటలు కూడా రావు. మహా అయితే రెండున్నరేళ్ల వయసు ఉంటుంది. అయితేనేం.. తన తల్లిని, తమ్ముడిని కాపాడుకుంది. ఆ చిన్నారుల తల్లి  ఓ రైల్వే వంతెనపై స్పృహతప్పి పడిపోయింది. పాలు తాగే వయసున్న బాబు  అమ్మ లేవకపోవపోయేసరికి.. గుక్కబట్టి ఏడుస్తున్నాడు. ఈ పరిస్థితిలో రెండున్నర వయస్సు పిల్లలు ఎవరైనా సరే.. ఏం చెయ్యాలో తోచక ఏడుపు లఖించుకుంటారు.  కానీ ఆ చిన్నారి అలా చేయలేదు. పరిస్థితిని అర్థం చేసుకుని.. రైల్వే పోలీసులకు సమాచారం అందించి.. తనవారి ప్రాణాలు కాపాడింది. ఈ ఘటన ఉత్తర్​ప్రదేశ్​ మురాదాబాద్​లోని ఓ రైల్వే స్టేషన్​లో జరిగింది.

తల్లి అకస్మాత్తుగా పడిపోయింది. ఎంతలేపినా స్పృహ రావడం లేదు. తమ్ముడేమో ఏడుస్తున్నాడు. దీంతో ఆ చిన్నారి.. తన చిట్టి పాదాలతో అడుగుల వేసుకొని నెమ్మదిగా వంతెన దిగింది. కానీ అక్కడి ఎవరికి ఈ విషయం చెప్పాలో తెలియక అయామయంగా చుట్టూ చూడటం మొదలుపెట్టింది. రైల్వే మహిళ పోలీసు వైపు కనిపించడంతో ఆమె వైపు దీనంగా చూసింది. ఏదో చెప్పాలని చూస్తున్న ఆ చిన్నారి మనసును ఆ విమెన్ కానిస్టేబుల్ అర్థం చేసుకుంది. దగ్గరకు వెళ్లి, ఏం జరిగిందని పోలీసుల అడితే.. వచ్చీరాని మాటలతో విషయం చెప్పలేకపోయినప్పటికీ… వారిని తన తల్లి వద్దకు తీసుకెళ్లింది. అక్కడికి వెళ్లి.. చిన్నారి తల్లిని చూసిన వెంటనే అంబులెన్స్​లో జిల్లా ఆస్పత్రికి తరలించారు పోలీసులు. తల్లి, తమ్ముడి వద్దకు పోలీసులను తీసుకెళ్లిన తర్వాత.. ఇక తన తల్లికి ఏం కాదని ఆనందం ఆ చిన్నారి ముఖంలో కనిపించింది. ప్రస్తుతం ఆ పాప తల్లి, తమ్ముడి ఆరోగ్య పరిస్థితి నిలకడగా ఉందని డాక్టర్లు చెప్పారు. అయితే ఆమె స్పృహలో లేకపోవడం వల్ల వారు ఎక్కడి నుంచి వచ్చారో, ఎక్కడికి వెళ్తున్నారో అధికారులు గుర్తించలేకపోయారు.

Also Read: జైలులో మగ ఖైదీలకు చుక్కలు చూపించిన మహిళా అధికారిణి.. మరీ ఇంత దారుణమా..?

ఎంగేజ్మెంట్ తోనే ఎండ్ కార్డ్ .. పెళ్లిపీటలెక్కకుండానే విడిపోయిన జంటలు