Lovers: బాయ్ ఫ్రెండ్ అలా చేశాడని ఆగ్రహించిన గర్ల్ఫ్రెండ్.. 3 రోజులుగా గదిలో ఉంచి..
లవర్స్ పంచాయితీ గురించి ప్రత్యేకంగా చెప్పాల్సిన అవసరం లేదు. ప్రతి చిన్న అంశానికి ఇద్దరి మధ్య గొడవలు, ఘర్షణలు చోటు చేసుకుంటూనే ఉంటాయి. చిన్నపాటి టామ్ అండ్ జెర్రీ మాదిరిగా ఉంటుంది పరిస్థితి. తాజాగా ఇలాంటి ఇంట్రస్టింగ్ గొడవ ఒకటి ఇప్పుడు అందరినీ ఆశ్చర్యానికి గురి చేస్తోంది. ఓ అమ్మాయి తన బాయ్ఫ్రెండ్ను గదిలో బంధించింది.
Updated on: May 22, 2023 | 10:13 AM
లవర్స్ పంచాయితీ గురించి ప్రత్యేకంగా చెప్పాల్సిన అవసరం లేదు. ప్రతి చిన్న అంశానికి ఇద్దరి మధ్య గొడవలు, ఘర్షణలు చోటు చేసుకుంటూనే ఉంటాయి. చిన్నపాటి టామ్ అండ్ జెర్రీ మాదిరిగా ఉంటుంది పరిస్థితి. తాజాగా ఇలాంటి ఇంట్రస్టింగ్ గొడవ ఒకటి ఇప్పుడు అందరినీ ఆశ్చర్యానికి గురి చేస్తోంది. ఓ అమ్మాయి తన బాయ్ఫ్రెండ్ను గదిలో బంధించింది. దాదాపు మూడు రోజుల పాటు నీళ్లు, ఆహారం ఇవ్వకుండా గదిలోనే ఉంచింది. ఈ వార్త ఇప్పుడు హాట్ టాపిక్గా మారింది. ఇందుకు సంబంధించిన వివరాలు ఇలా ఉన్నాయి..
అర్జెంటీనాకు చెందిన ఓ అమ్మాయి.. తన బాయ్ఫ్రెండ్ను ఇంటికి పిలిచింది. ఆ వెంటనే అతనితో వాగ్వాదానికి దిగింది. ఏం జరుగుతుందో అర్థం అయ్యేలోపే.. అతన్ని గదిలో వేసి బంధించింది. ఒకటి కాదు, రెండు కాదు.. ఏకంగా మూడు రోజుల పాటు.. తిండీ, నీళ్లు ఏవీ ఇవ్వకుండా ఆకలితో అలమటించేలా శిక్ష విధించింది. ఇంతకీ ఆ అమ్మాయి తన ప్రియుడికి అంతటికి శిక్ష ఎందుకు వేసిందనేగా మీ ఆలోచన.. అది కూడా తెలుసుకుందాం.
ఈ అమ్మాయి, అబ్బాయి.. గత కొన్నేళ్లుగా రిలేషన్షిప్లో ఉన్నారు. అయితే, ఇటీవల అతగాడు.. మరో అమ్మాయితో క్లోజ్ మాట్లాడటం ఈవిడ గారు చూశారు. ఇంకేముంది.. కోపం నశాలానికి అంటింది. అతన్ని తన ఇంటికి పిలిచింది. అతని ఫోన్ తీసుకుని చెక్ చేసింది. ఇద్దరి మధ్య తీవ్ర ఘర్షణ జరిగింది. ఇంతలో కోపంతో ఊగిపోయిన అమ్మాయి.. తన ప్రియుడిని గదిలో పెట్టి తాళం వేసింది. మూడు రోజుల పాటు అతనికి కనీసం నీళ్లు కూడా ఇవ్వలేదు. అయితే, ఎలాగోలా అతను అమ్మాయి ఫోన్ ద్వారా తన స్నేహితులకు జరిగిన విషయాన్ని మెసేజ్ చేశాడు. వారు వెంటనే పోలీసులకు ఫిర్యాదు చేయగా.. పోలీసులు అమ్మాయి ఇంటికి వెళ్లారు. అక్కడ బంధీగా ఉన్న యువకుడిని విడిపించారు. అమ్మాయిని అదుపులోకి తీసుకుని విచారిస్తున్నారు.
గత కొంతకాలంగా రిలేషన్షిప్లో ఉన్న వీరిద్దరూ.. తరచుగా గొడవపడేవారు. ముఖ్యంగా అమ్మాయి తన ప్రియుడితో నిరంతరం వాగ్వాదానికి దిగేదట. ప్రతి విషయంలో అనుమానించేదట. ప్రస్తుతం అమ్మాయి పోలీసుల అదుపులో ఉంది. అమ్మాయిని, అబ్బాయిని ఇద్దరినీ విచారిస్తున్నట్లు మీడియా నివేదికలు చెబుతున్నాయి.
మరిన్ని అంతర్జాతీయ వార్తల కోసం ఈ లింక్ క్లిక్ చేయండి..
