Vastu Tips: కిచెన్‌లో చేసే ఈ చిన్న తప్పులు.. భారీ మూల్యానికి కారణాలు

వాస్తుకు ఎంతటి ప్రాధాన్యత ఉందో ప్రత్యేకంగా చెప్పాల్సిన పనిలేదు. ముఖ్యంగా హిందువులు వాస్తును తప్పక పాటిస్తుంటారు. ప్రతీ అంశం వాస్తుకు అనుగుణంగా ఉండేలా చూసుకుంటారు. వాస్తు నిపుణుల సూచనల మేరకు ఇంటి నిర్మాణం చేపట్టే వారు మనలో చాలా మంది ఉంటారు. అయితే వాస్తు అనేది కేవలం ఇంటి నిర్మాణానికి మాత్రమే పరిమితం కాదని, ఇంట్లో ఏర్పాటు చేసుకునే వస్తువుల విషయంలో కూడా వర్తిస్తుందని నిపుణులు అంటున్నారు.

మనకు తెలిసో తెలియకో కొన్ని చిన్న చిన్న వాస్తు తప్పులను చేస్తుంటాం. వీటివల్ల భారీ మూల్యాన్ని చెల్లించాల్సి ఉంటుందని నిపుణులు చెబుతున్నారు. ముఖ్యంగా వంట గదిలో చేసే వాస్తు తప్పుల కారణంగా ఇబ్బందులు ఎదురవుతాయని అంటున్నారు. వంట గదిలో తరచూ చేసే తప్పులు ఏంటి.? వాటి వల్ల కలిగే నష్టాలు ఏంటో ఇప్పుడు తెలుసుకుందాం..

గ్యాస్‌ స్టవ్‌పై పాన్‌ను ఎట్టి పరిస్థితుల్లో తలకిందులుగా ఉంచకూడదు. సాధారణంగా పాన్‌లను ఉపయోగించిన తర్వాత వాటిని స్టౌవ్‌పై తలకిందులుగా చేసి పెడ్తారు. అయితే దీనివల్ల ప్రతికూలత ఏర్పడుతుంది. ముఖ్యంగా కుటుంబసభ్యుల మధ్య వాగ్వాదాలు, మనస్పర్థాలకు దారి తీస్తుందని నిపుణులు చెబుతున్నారు. ఇంట్లో మానసిక ప్రశాంతత కోల్పోతుంటే ఇలాంటి మిస్టేక్‌ చేస్తున్నారేమో చూసుకోవాలి.

అలాగే పాన్‌ను శుభ్రపరిచేటప్పుడు పదునైన వస్తువులను ఉపయోగించకూడదని నిపుణులు చెబుతున్నారు. దీనివల్ల ఆర్థిక పరిస్థితిపై ప్రతికూల ప్రభావం పడుతుందని నిపుణులు చెబుతున్నారు. ఇక పాన్‌ను ఉపయోగించిన తర్వాత పక్కన పెడుతుంటారు. అయితే వేడిగా ఉన్న పాన్‌పై ఎట్టి పరిస్థితుల్లో నీరు పోయకూడదని అంటున్నారు. ఇలా చేయడం వల్ల కుటుంబ సభ్యుల మధ్య ఇబ్బందులు వస్తాయి. ఇంట్లో అనవసరమైన టెన్షన్ ఏర్పడి ఇంటి వాతావరణం మొత్తం చెడిపోతుంది. పాన్‌ను ఉపయోగించిన తర్వాత దాఇనిన శుభ్రం చేయకుండా అలాగే పక్కన పెట్టకూడదని అంటున్నారు. ఇలా చేయడం వల్ల నెగిటివ్ ఎనర్జీ పెరుగుతుంది.

నోట్: పైన తెలిపిన విషయాలు పలువురు వాస్తు పండితులు, వాస్తు శాస్త్రంలో తెలిపిన అంశాల ఆధారంగా అందించినవి మాత్రమే. వీటిలో ఎలాంటి శాస్త్రీయత లేదని రీడర్స్ గమనించాలి.

మరిన్ని ఇంట్రెస్టింగ్ వార్తల కోసం క్లిక్ చేయండి..