Car tips: వేసవిలో కారు ఇంజన్ వేడెక్కకుండా ఎలా కాపాడుకోవాలి..! వివరాలు తెలుసుకోండి
కారులో సుదూర ప్రయాణాల్లో మధ్యలో ఎప్పుడూ విరామం తీసుకోవాలి. దీంతో మిమ్మల్ని మీరు తాజాగా ఉంచుకోవడంతో పాటు, మీరు కారు ఇంజిన్ వేడెక్కకుండా కూడా రక్షించుకోవచ్చు. విపరీతమైన వేడి సమయంలో విరామం తీసుకోకుండా ఎక్కువసేపు కారు నడపినట్లయితే ఇంజిన్ వేడెక్కడం ప్రమాదం కూడా పెరుగుతుంది.
ఉత్తర భారతదేశం సహా దేశంలోని అన్ని రాష్ట్రాల్లోనూ వేడి ఉష్ణోగ్రతలు నమోదవుతున్నాయి. ఈ రకమైన వాతావరణంలో వాహనదారులు అప్రమత్తంగా ఉండాల్సిన అవసరం ఉంది. మీరు మీ బైక్‌, కారును సరిగ్గా చూసుకోవడం చాలా ముఖ్యం. మీ నిర్లక్ష్యం కారులో సమస్యలను కలిగిస్తుంది. ఇది ప్రయాణ సమయంలో ఇబ్బందుల ప్రమాదాన్ని పెంచుతుంది. వేసవిలో ఇంజన్ ఓవర్ హీట్ సమస్య నుండి ఇంజన్ ఎలా రక్షించుకోవాలో ఇక్కడ తెలుసుకుందాం..
వేసవిలో కార్‌ ఇంజిన్ ఉష్ణోగ్రత తరచుగా చాలా ఎక్కువగా ఉంటుంది. దీని వల్ల అనేక సార్లు సమస్యలు తలెత్తుతున్నాయి. దీనిని నివారించడానికి, కారులో Car Coolant ఉపయోగిస్తారు. కార్‌ కూలెంట్ పని ఇంజిన్ వేడేక్కకుండా సాధారణ ఉష్ణోగ్రతను నిర్వహించడం. కానీ అది దెబ్బతిన్నట్లయితే, ఇంజిన్ కూడా వేడెక్కుతుంది. కాబట్టి, కారు నడిపే ముందు కూలెంట్ చెక్ చేసుకోవాలి. అది దెబ్బతిన్నట్లయితే వెంటనే రీపేర్‌ చేయించుకోవాల్సి ఉంటుంది.
ఇంజిన్ వేడెక్కడానికి అత్యంత సాధారణ కారణం Car Coolant లీకేజీ. కారులో కారు కూలెంట్ నిరంతరం లీక్ అయితే, ప్రయాణంలో కార్‌ ఇంజిన్ వేడెక్కే సమస్య ఎదురవుతుంది. అందువల్ల, ప్రయాణాన్ని ప్రారంభించే ముందు ఇంజిన్ చుట్టూ ఉన్న లీకేజీని చెక్ చేసుకోవాలి. ఇంజిన్ చుట్టూ కార్‌ కూలెంట్ లీకేజీని ఉన్నట్టయితే, వెంటనే సర్వీస్ సెంటర్‌కు వెళ్లి దాన్ని పరిష్కరించుకోవాలి.
కారులో కూలెంట్ చేసే పని ఇంజిన్‌ను చల్లగా ఉంచడం. కానీ దీని కోసం కార్‌ కూలెంట్ కూడా మెరుగ్గా పనిచేయాలి. కారులోని రేడియేటర్‌ను చల్లగా ఉంచేందుకు కూలెంట్‌ని ఏర్పాటు చేస్తారు. దాని మెష్ నిర్మాణం కారణంగా, కూలెంట్ త్వరగా చల్లబడుతుంది. ఇంజిన్‌లోకి తిరిగి వెళుతుంది. ఇది ఇంజిన్ ఉష్ణోగ్రత తక్కువగా ఉంచడంలో సహాయపడుతుంది. అందువల్ల, రేడియేటర్ శుభ్రంగా ఉంచడం చాలా ముఖ్యం.
కారులో సుదూర ప్రయాణాల్లో మధ్యలో ఎప్పుడూ విరామం తీసుకోవాలి. దీంతో మిమ్మల్ని మీరు తాజాగా ఉంచుకోవడంతో పాటు, మీరు కారు ఇంజిన్ వేడెక్కకుండా కూడా రక్షించుకోవచ్చు. విపరీతమైన వేడి సమయంలో విరామం తీసుకోకుండా ఎక్కువసేపు కారు నడపినట్లయితే ఇంజిన్ వేడెక్కడం ప్రమాదం కూడా పెరుగుతుంది.
మరిన్ని హ్యుమన్‌ ఇంట్రెస్ట్‌ వార్తల కోసం క్లిక్ చేయండి..
