Cervical Cancer: మహిళలూ జాగ్రత్త…సర్వైకల్ క్యాన్సర్కు మానసిక ఒత్తిడికి ఉన్న సంబంధం ఇదే..
మారుతున్న జీవనశైలి, పెరుగుతున్న పని ఒత్తిడి కారణంగా మానసిక అనారోగ్య కేసులు పెరుగుతున్నాయి. మానసిక అనారోగ్యం, న్యూరోసైకియాట్రిక్ వైకల్యం కారణంగా సిగరెట్లు, మద్యం, ఇతర మాదకద్రవ్యాల వినియోగం పెరిగి మహిళల్లో గర్భాశయ క్యాన్సర్ ప్రమాదాన్ని రెట్టింపు చేస్తుందని ఒక అధ్యయనం పేర్కొంది.
Updated on: Mar 30, 2023 | 6:26 AM
మారుతున్న జీవనశైలి, పెరుగుతున్న పని ఒత్తిడి కారణంగా మానసిక అనారోగ్య కేసులు పెరుగుతున్నాయి. మానసిక అనారోగ్యం, న్యూరోసైకియాట్రిక్ వైకల్యం కారణంగా సిగరెట్లు, మద్యం, ఇతర మాదకద్రవ్యాల వినియోగం పెరిగి మహిళల్లో గర్భాశయ క్యాన్సర్ ప్రమాదాన్ని రెట్టింపు చేస్తుందని ఒక అధ్యయనం పేర్కొంది.
మహిళల్లో సర్వసాధారణంగా వచ్చే క్యాన్సర్లలో సర్వైకల్ క్యాన్సర్ ఒకటి. సర్వైకల్ క్యాన్సర్ ప్రపంచవ్యాప్తంగా ప్రతి సంవత్సరం పెద్ద సంఖ్యలో మహిళల మరణానికి కారణం అవుతోంది. అటువంటి సమయంలో, గర్భాశయ క్యాన్సర్ను గుర్తించడానికి స్మియర్ పరీక్ష మంచి మార్గం. ఈ పరీక్ష ద్వారా మీకు క్యాన్సర్ ఉందో లేదో సులభంగా తెలుసుకోవచ్చు. అయితే, చాలామంది మహిళలు దీనిని నిర్లక్ష్యం చేస్తారు.
ది లాన్సెట్ పబ్లిక్ హెల్త్లో ప్రచురించబడిన అధ్యయనం ప్రకారం, 1940, 1995 మధ్య జన్మించిన 40 మిలియన్లకు పైగా మహిళలను ఈ పరిశోధనలో చేర్చారు. మహిళల్లో మానసిక అనారోగ్యం, న్యూరోసైకియాట్రిక్ వైకల్యం, మాదకద్రవ్య వినియోగం ఉన్న మహిళల్లో గర్భాశయ క్యాన్సర్ కేసులు ఎక్కువగా కనుగొన్నారు.
మద్యం, పొగాకు ఉత్పత్తులు వాడే మహిళలకు ప్రమాదం! , కరోలిన్స్కా ఇన్స్టిట్యూట్ చేసిన ఈ పరిశోధనలో, డ్రగ్స్, ఆల్కహాల్, సిగరెట్లు వాడే మహిళల్లో సర్వైకల్ క్యాన్సర్ ముప్పు వేగంగా పెరుగుతోంది. మానసిక ఒత్తిడికి గురికాకుండా, మాదక ద్రవ్యాలకు దూరంగా ఉండే మహిళల్లో ఈ ప్రమాదం తక్కువగా ఉందని గుర్తించారు కరోలిన్స్కా ఇన్స్టిట్యూట్ ఆఫ్ మెడిసిన్ విభాగంలోని సీనియర్ పరిశోధకుడు మాట్లాడుతూ, “మహిళలు గర్భాశయ క్యాన్సర్ను నివారించాలనుకుంటే, ప్రతి మహిళ క్రమం తప్పకుండా స్క్రీనింగ్ చేయించుకోవడం చాలా ముఖ్యం, ఇది క్యాన్సర్ ప్రమాదాన్ని తగ్గించడంలో సహాయపడుతుంది.” అని పేర్కొన్నారు.
సర్వైకల్ క్యాన్సర్ లక్షణాల్లో రుతుస్రావం సమయంలో భారీ రక్తస్రావం, కడుపు నొప్పి, మూత్రవిసర్జన సమయంలో అసౌకర్యం వంటివి ఉన్నాయి. అలాగే సంభోగం తర్వాత అసాధారణ రక్తస్రావం. ఇది కాకుండా, ఆకలి లేకపోవడం, బరువు తగ్గడం, కాళ్లు వాపు, పొత్తికడుపు వాపు, మూత్రం, మలవిసర్జనలో రక్తస్రావం మొదలైన లక్షణాలు కూడా ఆలస్యంగా కనిపిస్తాయి. గర్భాశయ ముఖద్వార క్యాన్సర్ను తొలిదశలో సులభంగా గుర్తించవచ్చు. ప్రారంభ రోగ నిర్ధారణ కోసం మహిళలందరూ 35 సంవత్సరాల వయస్సు నుండి వారి గైనకాలజిస్ట్ను సంప్రదించాలి. హై రిస్క్ ఉన్న వ్యక్తులు కనీసం సంవత్సరానికి ఒకసారి గైనకాలజిస్ట్ని తప్పకుండా సంప్రదించాలి.
గర్భాశయ క్యాన్సర్కు హ్యూమన్ పాపిల్లోమా వైరస్ (HPV) సంక్రమణ ఒక ముఖ్యమైన కారణం. ఈ వైరస్ బారిన పడిన తర్వాత, గర్భాశయ కణాలు క్యాన్సర్ కణాలుగా మారడం ప్రారంభిస్తాయి. ఈ మార్పు అసాధారణ పెరుగుదలను చూపించడానికి ప్రారంభమైన సమయం నుండి 10 సంవత్సరాల కంటే ఎక్కువ సమయం పడుతుంది. సాధారణ ప్రారంభ లక్షణాలను విస్మరించినందున ఈ క్యాన్సర్ ఆలస్యంగా నిర్ధారణ అయ్యే అవకాశం ఉంది.
మరిన్ని హెల్త్ వార్తల కోసం ఈ లింక్ క్లిక్ చేయండి..
