Viral Video: ఎంతకు తెగించావురా..! విక్స్ బిళ్ళ కోసం వచ్చి, బంగారు గొలుసు తెంచుకునిపోయాడు..!

శతకోటి దరిద్రాలకు అనంతకోటి ఉపాయాలు అన్నట్లు.. కన్నింగ్ కేటుగాడు షాపులో కొనుగోలుదారుల వచ్చి మహిళ మెడలోని బంగారం గొలుసు కాజేశాడు. కిరాణా షాపులో జరిగిన ఈ చైన్‌ స్నాచింగ్‌ సంఘటన తీవ్ర కలకలం రేపుతోంది. సాయంత్రం వేళ ఓ కిరాణం షాపులోకి వచ్చిన అగంతకుడు, విక్స్ బిళ్ల కావాలని అడిగాడు. దీంతో దుకాణంలోని మహిళ అతనికి విక్స్ బిళ్ల ఇచ్చింది. ఇందుకు డబ్బులు ఇస్తున్నట్లు నటించిన దొంగ, ఆమె మెడలోని బంగారు పుస్తెల తాడును తెంచుకుని పారిపోయాడు. ఈ హఠాత్తు పరిణామంలో కంగుతిన్న మహిళ, లబోదిబోమంటూ పరుగులు తీసింది. కుటుంబసభ్యులు సైతం బయటకు వచ్చి దొంగను పట్టుకునేందుకు పరుగులు తీశారు. అయితే అప్పటికే ఆ దొంగ జారుకున్నాడు. ఇది ఎక్కడ జరిగిందన్న విషయం అస్పష్టంగా ఉంది. కానీ ఇందుకు సంబంధించిన వీడియో ప్రస్తుతం సోషల్ మీడియలో వైరల్ అవుతోంది.

మరిన్ని ట్రెండింగ్ వార్తల కోసం ఇక్కడ క్లిక్ చేయండి..