ఈ పండు తింటే మగవాళ్లకు మస్తు మంచిదట..! నిపుణులు ఏం చెబుతున్నారో తెలుసా..?

అంజీర్ పండులో సహజంగా శక్తినిచ్చే విటమిన్లు, ఖనిజాలు, యాంటీఆక్సిడెంట్లు, ఫైబర్ పుష్కలంగా ఉంటాయి. ఇవి శరీర శక్తిని పెంచడమే కాకుండా శరీరంలోని అన్ని వ్యవస్థలను సమతుల్యంగా ఉంచుతాయి. ముఖ్యంగా ఇందులో ఉండే జింక్ అనే ఖనిజం పురుషుల్లో టెస్టోస్టిరాన్ హార్మోన్‌ ను ఉత్తేజపరుస్తుంది. ఇది పురుషుల సంతానోత్పత్తి ఆరోగ్యాన్ని మెరుగుపరచడంలో ముఖ్య పాత్ర పోషిస్తుంది.

అంజీర్ పండులో ఉండే యాంటీఆక్సిడెంట్లు రక్తనాళాల్లో కొవ్వు గడ్డలు ఏర్పడకుండా ఆపుతాయి. దీని వల్ల గుండె సంబంధిత సమస్యలు దూరంగా ఉంటాయి. ఇందులో ఉండే పొటాషియం రక్తపోటును నియంత్రించి గుండెను ఆరోగ్యంగా ఉంచుతుంది.

ఈ పండులో విటమిన్ B6 ఎక్కువగా ఉంటుంది. ఇది మెదడులో హార్మోన్ల సమతుల్యతను మెరుగుపరిచి మెదడు పనితీరును పెంచుతుంది. దాని వల్ల మానసిక ఒత్తిడి తగ్గుతుంది మంచి ఏకాగ్రత వస్తుంది.

అంజీర్ పండులో నెమ్మదిగా జీర్ణమయ్యే ఫైబర్ ఉంటుంది. ఇది కడుపు శుభ్రం చేయడానికి, మలబద్ధకం రాకుండా నివారించడానికి సహాయపడుతుంది. గ్యాస్, అసిడిటీ లాంటి సమస్యలు తగ్గడానికి ఇది సహజ చికిత్సలా పని చేస్తుంది.

నిద్రలేమి సమస్యతో బాధపడే వారికి అంజీర్ పండు ఒక మంచి సహాయకారి. ఇందులో ఉండే మెగ్నీషియం, ట్రిప్టోఫాన్ శరీరాన్ని విశ్రాంతి స్థితికి తీసుకెళ్లి నిద్రను మెరుగుపరుస్తాయి.

అంజీర్ పండులో ఐరన్ ఎక్కువగా ఉండటం వల్ల హీమోగ్లోబిన్ స్థాయిలు పెరుగుతాయి. ఇది రక్తహీనతను నివారించి శరీరాన్ని శక్తివంతంగా మార్చడంలో సహాయపడుతుంది. అలసట, నీరసం లాంటి లక్షణాలు తగ్గుతాయి.

రాత్రిపూట రెండు లేదా మూడు ఎండిన అంజీర్ పండ్లను ఒక గ్లాసు పాలలో నానబెట్టి ఉదయం ఖాళీ పొట్టతో తీసుకోవాలి. ఇలా తీసుకోవడం ద్వారా శరీరానికి పూర్తిగా శక్తి లభిస్తుంది. చలికాలంలో వేడి పాలలో వేసుకుని తినడం మంచిది. బాదం, వాల్‌ నట్‌ లతో కలిపి తింటే మరింత మంచి ఫలితం ఉంటుంది.

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)