Heart Attack Increasing: చిన్న వయసులోనే గుండెపోటు కేసులు ఎందుకు పెరుగుతున్నాయి? నిపుణులు ఏమంటున్నారంటే..
Heart Attack Increasing: ఇటీవల కాలంలో గుండెపోటుతో మరణాల ప్రభావం పెరిగిపోతోంది. గుండెపోటు బారిన పడి వృద్ధులే కాకుండా యువత, చిన్నవాళ్లకు..
Updated on: Aug 29, 2022 | 8:44 AM
Heart Attack Increasing: ఇటీవల కాలంలో గుండెపోటుతో మరణాల ప్రభావం పెరిగిపోతోంది. గుండెపోటు బారిన పడి వృద్ధులే కాకుండా యువత, చిన్నవాళ్లకు కూడా వస్తుంది. చిన్నవయసులోనే గుండెపోటుతో మరణించే వారి సంఖ్య పెరిగిపోతోంది. మారుతున్న జీవనశైలి, పెరుగుతున్న ఒత్తిడి, నిద్రలేమి, పౌష్టికాహారం లేకపోవడం, వ్యాయామం లేకపోవడం యువతలో గుండెపోటు కేసులు పెరగడానికి ప్రాథమిక కారణాలని ఆరోగ్య నిపుణులు అంటున్నారు. గత 20 ఏళ్లలో భారతదేశంలో గుండెపోటు కేసుల రేటు రెండింతలు పెరిగిందని, ఇప్పుడు చాలా మంది యువత దీని బారిన పడుతున్నారని నవీ ముంబైలోని అపోలో ఆసుపత్రి కార్డియాలజిస్ట్ నిఖిల్ పర్చురే చెప్పారు. 40 ఏళ్లలోపు వారిలో 25 శాతం గుండెపోటు కేసులు కనిపిస్తున్నాయని తెలిపారు.
చాలా మంది సెలబ్రిటీలు చిన్న వయసులోనే బాధితులవుతున్నారు. ఇటీవల, హాస్యనటుడు రాజు శ్రీవాస్తవ (58) గుండెపోటుతో ఆసుపత్రిలో చేరారు. ఈ ఏడాది మేలో ప్రముఖ గాయకుడు కెకె (53) కోల్‌కతాలో సంగీత కచేరీ అనంతరం గుండెపోటుతో మరణించారు. గత ఏడాది ఇదే సమయంలో నటులు సిద్ధార్థ్ శుక్లా (40), పునీత్ రాజ్‌కుమార్ (46), అమిత్ మిస్త్రీ (47) గుండెపోటుతో మరణించారు.
మధుమేహం, అధిక రక్తపోటు, కొలెస్ట్రాల్ వంటి ఇతర ప్రమాద కారకాలలో ధూమపానం చాలా ముఖ్యమైనదని డాక్టర్ నిఖిల్ పర్చురే చెబుతున్నారు. అంతే కాకుండా జీవనశైలిని మార్చుకోవడం, సరిగ్గా నిద్రపోకపోవడం, పౌష్టికాహారం తీసుకోకపోవడం, వ్యాయామం చేయకపోవడం, ఒత్తిడి పెరగడం తదితర కారణాల వల్ల యువతలో గుండెపోటు ఉంటుంది. ఇది కాకుండా భారతదేశంలో యువతలో గుండెపోటు కేసులు పెరగడానికి కోవిడ్ -19 కూడా కారణమని ఆయన అన్నారు.
భారతదేశం మధుమేహ రాజధానిగా మారుతోంది:
ముంబయిలోని సర్‌ హెచ్‌ఎన్‌ రిలయన్స్‌ ఫౌండేషన్‌ హాస్పిటల్‌లోని కార్డియాలజీ విభాగం కన్సల్టెంట్‌ డాక్టర్ అజిత్‌ మీనన్ మాట్లాడుతూ భారతదేశం ప్రపంచానికి మధుమేహ రాజధానిగా మారుతోందని, అందుకే ఇక్కడి యువతలో గుండెపోటు ప్రభావం పెరుగుతోందని పేర్కొన్నారు. భారతీయుల శరీరధర్మాన్ని కూడా మీనన్ దీనికి మరో అంశంగా అభివర్ణించారు. ఒక సగటు భారతీయుడికి యూరప్‌లో ఉన్న బాడీ మాస్ ఇండెక్స్ (బిఎమ్‌ఐ) ఉంటుంది. అయితే భారతీయులలో బాడీ ఫ్యాట్ కంటెంట్ ఎక్కువగా ఉంటుంది. వ్యత్యాసం చాలా అస్థిరంగా ఉందని ఆయన అన్నారు. మీ శరీర బరువు మీ ఎత్తుకు సరిపోతుందా లేదా అనేది BMI చెబుతుంది. సగటు యూరోపియన్‌లో శరీరంలో కొవ్వు శాతం ఏడు నుంచి ఎనిమిది శాతం ఉంటుందని, సగటు భారతీయుడిది 12 నుంచి 23 శాతం ఉంటుందని ఆయన చెప్పారు.
ధూమపానం, ఊబకాయం, ఒత్తిడి ప్రధాన కారణాలు:
ప్రముఖ కార్డియాక్ సర్జన్, ముంబయిలోని ఏషియన్ హార్ట్ ఇన్‌స్టిట్యూట్ అధిపతి డాక్టర్ రమాకాంత్ పాండా కూడా జన్యు సిద్ధత ఒక ముఖ్యమైన అంశంగా సూచించారు. యువతలో గుండె సమస్యలకు ఇతర సాధారణ కారణాలలో మధుమేహం, ధూమపానం, ఊబకాయం, ఒత్తిడి, వ్యాయామం లేకపోవడం, పర్యావరణ కాలుష్యం వంటి జీవనశైలి సమస్యలు ఉన్నాయి.
మరిన్ని హెల్త్ వార్తల కోసం ఇక్కడ క్లిక్ చేయండి
