ఈ ఫుడ్స్ తింటే చాలు.. B12 లోపం మీ దరిదాపులకు కూడా రాదు
మన శరీరంలో ఆరోగ్యంగా ఉండేందుకు వివిధ రకాల విటమిన్లు అవసరం. వాటిలో ముఖ్యంగా విటమిన్ B12 ప్రత్యేక స్థానం కలిగి ఉంది. ఇది నరాలు, మెదడు, రక్త కణాల ఆరోగ్యానికి కీలకంగా పనిచేస్తుంది. B12 లోపం వల్ల అలసట, నీరసం, జ్ఞాపకశక్తి లోపం, ఆత్మవిశ్వాస హీనత వంటి సమస్యలు తలెత్తుతాయి. ఇది ముఖ్యంగా శాకాహారుల్లో ఎక్కువగా కనిపించే లోపం.
Updated on: Apr 20, 2025 | 6:42 PM
కొన్ని ప్రత్యేక ఆహార పదార్థాలను తీసుకోవడం ద్వారా B12 లోపాన్ని నివారించుకోవచ్చు. వీటిలో సహజంగా కొంతమేర విటమిన్ B సమూహం ఉంటుంది. ముఖ్యంగా కొన్ని రకాల పుట్టగొడుగుల్లో B12ని అందుకునే అవకాశం ఉంటుంది. వీటిని కూరగా లేదా సూప్ రూపంలో కూడా తీసుకోవచ్చు. ఇవి రోగనిరోధక శక్తిని కూడా మెరుగుపరుస్తాయి.
టోఫు.. సోయా పప్పుతో తయారయ్యే అధిక ప్రొటీన్తో కూడిన ఆహారం. దీనిని విటమిన్ B12తో ఫోర్టిఫై చేసిన రూపంలో తీసుకుంటే మాంసాహారం తినని శాకాహారులకు ఇది మంచి ప్రత్యామ్నాయంగా ఉపయోగపడుతుంది. టోఫును నూనెలో కొద్దిగా వేపి తినవచ్చు. ఇది కూరలలో కలిపి వండవచ్చు లేదా పళ్లతో కలిపి ఆరోగ్యకరమైన స్నాక్లా కూడా తీసుకోవచ్చు.
ఈస్ట్.. ఫోర్టిఫైడ్ న్యూట్రిషనల్ ఈస్ట్ విస్తృతంగా పోషకాలు కలిగిన ఆహారం. దీన్ని పాప్కార్న్, పాస్తా, సలాడ్స్ వంటి వాటిలో చల్లి తినవచ్చు. ఇది మంచి రుచి ఇస్తుంది, బీ12 అవసరాన్ని తీర్చడంలో సహాయపడుతుంది. సహజంగా వీటిలో ఫైబర్, ప్రోటీన్లు కూడా ఉంటాయి.
పనీర్, మోజెరెల్లా వంటి చీజ్ రకాలలో సహజంగా విటమిన్ B12 ఉంటుంది. ఇవి ప్రోటీన్, క్యాల్షియం సమృద్ధిగా కలిగి ఉంటాయి. వీటిని మితంగా తీసుకుంటే శరీరానికి కావలసిన విటమిన్లు అందుతాయి. చీజ్తో సాండ్విచ్లు, స్నాక్స్ తయారు చేసుకోవచ్చు.
యోగర్ట్లో ప్రోబయోటిక్స్ మాత్రమే కాకుండా విటమిన్ B12 కూడా ఉంటుంది. ఇది జీర్ణవ్యవస్థను శుభ్రంగా ఉంచడంలో సహాయపడుతుంది. ప్రతిరోజూ చిన్న కప్పు పెరుగుని భోజనంతో పాటు తీసుకుంటే జీర్ణ సంబంధిత సమస్యలు తగ్గుతాయి.
బాదం పాలు, సోయా పాలు వంటివి విటమిన్ B12తో సమృద్ధిగా ఫోర్టిఫై చేసి మార్కెట్లో అందుబాటులో ఉంటాయి. ఇవి మాంసాహారాన్ని తీసుకోని వెగన్లకు మంచి ప్రత్యామ్నాయంగా ఉపయోగపడతాయి. రోజూ ఒక గ్లాసు ఫోర్టిఫైడ్ పాలు తాగితే శరీరానికి అవసరమైన విటమిన్ B12 తగినంతగా అందుతుంది.
పాలు, మజ్జిగ, పెరుగు, పనీర్ వంటి పాల ఉత్పత్తులలో సహజంగా విటమిన్ B12 ఉంటుంది. ఇవి శరీరానికి కావలసిన పోషకాలను అందించడంలో ఎంతో సహాయపడతాయి. వీటిని రోజూ తీసుకోవడం మంచిది.
ఫోర్టిఫైడ్ సెరల్స్.. ఉదయం అల్పాహారంగా తీసుకునే ఫోర్టిఫైడ్ సెరల్స్ లో విటమిన్ B12 అధికంగా ఉంటుంది. బిజీ లైఫ్ స్టైల్ లో ఇది ఒక ఉత్తమ ఎంపిక. వీటిని పాలు కలిపి తీసుకోవడం ద్వారా రోజు మొదలు శక్తివంతంగా ప్రారంభమవుతుంది. వీటిని రెగ్యులర్ గా తీసుకుంటే జీర్ణ సమస్యలు తగ్గుతాయి.
విటమిన్ B12 లోపం అనేది చిన్న సమస్యలా కనిపించినా దీర్ఘకాలంలో ఇది అనేక ఆరోగ్య సమస్యలకు దారితీస్తుంది. పై చెప్పిన ఆహార పదార్థాలను రోజూ ఆహారంలో చేర్చడం ద్వారా ఈ లోపాన్ని నివారించవచ్చు.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)
