Thyroid Diet: థైరాయిడ్‌ తో బాధపడే వారు.. ఈ పండ్లు తింటే ఎంతో మేలు జ‌రుగుతుంది..!

ప్రస్తుత రోజుల్లో థైరాయిడ్ సంబంధిత ఆరోగ్య సమస్యలు చాలా మందిని ప్రభావితం చేస్తున్నాయి. శరీరంలో హార్మోన్ల అసమతుల్యత వల్ల వచ్చే ఈ సమస్యను ఆహారపు అలవాట్ల ద్వారా కొంతవరకు నియంత్రించవచ్చు. ముఖ్యంగా కొన్ని రకాల పండ్లు థైరాయిడ్ గ్రంథి ఆరోగ్యంగా ఉండేందుకు ఎంతో ఉపయోగకరంగా ఉంటాయి. ఇప్పుడు అలాంటి పండ్ల గురించి తెలుసుకుందాం.

ద్రాక్షలో అధికంగా ఉండే యాంటీ ఆక్సిడెంట్లు, యాంటీ ఇన్ఫ్లామేటరీ లక్షణాలు శరీరాన్ని హానికరమైన ఫ్రీ రాడికల్స్ నుంచి కాపాడతాయి. ఇవి థైరాయిడ్ గ్రంథికి హాని కలగకుండా రక్షిస్తూ హార్మోన్ల స్థాయిని సరిచేయడంలో మేలు చేస్తాయి.

స్ట్రాబెర్రీ పండ్లు విటమిన్ సి, యాంటీ ఆక్సిడెంట్లలో సమృద్ధిగా ఉంటాయి. ఇవి శరీరంలో ఆక్సిడేటివ్ ఒత్తిడిని తగ్గించి థైరాయిడ్ పనితీరును మెరుగుపరుస్తాయి. దీని వల్ల థైరాయిడ్ సంబంధిత సమస్యలు వచ్చే అవకాశాలు తగ్గుతాయి.

బ్లూబెర్రీ పండ్లు శక్తివంతమైన యాంటీ ఆక్సిడెంట్లతో పాటు శోథ నివారణ లక్షణాలతో కూడినవి. ఇవి థైరాయిడ్ కణాలను రక్షిస్తూ వ్యాధి కారకాల నుంచి వీటిని కాపాడతాయి. తరచుగా తీసుకుంటే థైరాయిడ్ ఆరోగ్యం మెరుగవుతుంది.

దానిమ్మలోని సహజ యాంటీ ఇంఫ్లమేటరీ గుణాలు శరీరంలోని గ్రంథులపై మంచి ప్రభావాన్ని చూపుతాయి. థైరాయిడ్ ఆరోగ్యంగా ఉండేందుకు ఇది సహాయపడుతుంది. దీనిని తరచూ ఆహారంలో చేర్చడం వల్ల ఈ గ్రంథికి రక్షణ లభిస్తుంది.

యాపిల్ పండ్లలో ఫైబర్, విటమిన్ సి, యాంటీ ఆక్సిడెంట్లు సమృద్ధిగా ఉంటాయి. ఇవి హార్మోన్ల స్థాయిని సమతుల్యం చేయడంలో సహాయపడతాయి. దీని వల్ల థైరాయిడ్ గ్రంథి సరిగా పనిచేయగలదు.

విటమిన్ సి పుష్కలంగా ఉండే నారింజ పండు శరీరంలో ఇమ్యూనిటీని మెరుగుపరుస్తుంది. థైరాయిడ్ ప్రాంతంలో ఏర్పడే వాపు లేదా మంటను తగ్గించి ఈ గ్రంథి పని తీరును నిలబెట్టడంలో సహకరిస్తుంది.

చెర్రీ పండ్లలో ఉండే సహజ యాంటీ ఆక్సిడెంట్లు శరీర కణాలను నష్టం నుంచి రక్షిస్తాయి. ఇవి థైరాయిడ్ కణాలను ఆరోగ్యంగా ఉంచే విధంగా పనిచేస్తాయి. వీటిని ఆహారంలో చేర్చితే థైరాయిడ్ సంబంధిత ఇబ్బందుల ముప్పు తగ్గుతుంది.

అరటి పండ్లలో పొటాషియం, విటమిన్ బి6 ఉండటం వల్ల, ఇది హార్మోన్ల ఉత్పత్తిని సమతుల్యం చేయడంలో సహకరిస్తుంది. ఫలితంగా థైరాయిడ్ గ్రంథి పనితీరు మెరుగుపడి సంబంధిత సమస్యలు రాకుండా సహాయపడుతుంది.

అవకాడోలో సహజ ఆరోగ్యకరమైన కొవ్వులు పుష్కలంగా ఉంటాయి. ఇవి హార్మోన్ బ్యాలెన్స్‌ కు మద్దతు ఇచ్చి గ్రంథులను శక్తివంతంగా ఉంచుతాయి. థైరాయిడ్‌ ను ఆరోగ్యంగా ఉంచడంలో ఇది కీలక పాత్ర పోషిస్తుంది.

థైరాయిడ్ గ్రంథి ఆరోగ్యంగా ఉండాలంటే మంచి ఆహారం తప్పనిసరిగా అవసరం. సహజ మార్గాల ద్వారానే థైరాయిడ్ సమస్యను ముందుగా నియంత్రించడం ఉత్తమమైన మార్గం.