Cough: దగ్గు, గొంతులో నొప్పి, మంటతోపాటు ఈ లక్షణాలు ఉన్నాయా..? అయితే.. దాని సంకేతం ఇదే కావొచ్చు..
అలెర్జీ దగ్గు లక్షణాలు ఏమిటీ..? నివారణకు తీసుకోవాల్సిన జాగ్రత్తలు, పలు విషయాల గురించి ఇప్పుడు తెలుసుకుందాం..
Updated on: Aug 16, 2022 | 9:47 PM
Allergic Cough: మారుతున్న వాతావరణంతోపాటు పలు సమస్యలు చుట్టుముట్టే ప్రమాదం ఉంది. వర్షాకాలంలో ముఖ్యంగా ఇన్ఫెక్షన్, వైరల్ సమస్యలు పెరిగే ప్రమాదం ఉంది. అందులో సర్వసాధారణం అలెర్జీ సమస్యలు. దీని కారణంగా జలుబు, దగ్గు వస్తుంది. కానీ మనలో చాలా మంది అలర్జీ వల్ల వస్తుందన్న విషయాన్ని మాత్రం అర్థం చేసుకోలేరు. కొన్ని అలర్జీల కారణంగా జలుబు, దగ్గు సమస్య పెరుగుతుంది. అటువంటి పరిస్థితిలో వీటి నివారణకు చర్యలు తీసుకోవాల్సిన అవసరం ఎంతైనా ఉంది. ఇంకా దగ్గు సమస్య పెరిగితే.. ఆరోగ్యం పూర్తిగా దెబ్బతింటుంది. దగ్గులో చాలా రకాలున్నాయి. ఇలాంటి పరిస్థితిలో అలెర్జీ దగ్గు లక్షణాలు ఏమిటీ..? నివారణకు తీసుకోవాల్సిన జాగ్రత్తలు, పలు విషయాల గురించి ఇప్పుడు తెలుసుకుందాం..
అలెర్జీ దగ్గు లక్షణాలు
దగ్గు, గొంతులో దురద, గొంతు నొప్పి, గొంతు మంట, ముక్కు, చెవులలో దురద, ముక్కు కారడం, ముక్కులో మంట, తుమ్ములు, చర్మంపై దద్దుర్లు, నోటి, పెదవుల సమస్యలు, వాంతులు, ఛాతీలో నొప్పి లాంటి లక్షణాలు కనిపిస్తాయి.
అలెర్జీ దగ్గును తగ్గించుకోవడానికి హోం రెమెడిస్..
మెంతి గింజల నీరు తాగండి: ఈ సమయంలో మెంతి నీటిని తాగితే.. ఛాతీ నుంచి శ్లేష్మం తొలగించడంలో సహాయపడుతుంది. అలాగే, మెంతి గింజలలో ఔషధ గుణాలు పుష్కలంగా ఉన్నాయి. ఇది దగ్గు చికిత్సలో, ఇన్ఫెక్షన్, బ్యాక్టీరియాను చంపడంలో సహాయపడుతుంది. ఇది మీ రోగనిరోధక శక్తిని బలపరుస్తుంది. కాలానుగుణ జలుబు, దగ్గును త్వరగా వదిలించుకోవడానికి సహాయపడుతుంది. దీనికోసం ఒక కప్పు నీటిలో ఒక చెంచా మెంతి గింజలను ఉడకబెట్టి దానిని ఫిల్టర్ చేసి సిప్ చేస్తూ తాగాలి. రోజుకు 2 సార్లు తాగితే అలర్జీ దగ్గు నుంచి ఉపశమనం లభిస్తుంది.
వాము నీరు తాగండి: వాము వాటర్ తాగడం వల్ల రోగనిరోధక శక్తిని బలోపేతం అవుతుంది. ఇది హానికరమైన బ్యాక్టీరియాను నాశనం చేయడంలో సహాయపడుతుంది. అలాగే దీనిని తీసుకోవడం వల్ల ఇది గొంతు, ఛాతీకి మంచి కంప్రెస్‌లను అందిస్తుంది. ఇంకా, కఫం తగ్గుతుంది. దీనికోసం అర టీస్పూన్ వామును ఒక గ్లాసు నీటిలో మరిగించి రోజుకు 3 సార్లు తాగాలి.
మరిన్ని హెల్త్ వార్తల కోసం ఇక్కడ క్లిక్ చేయండి..
