Chicken Pox: పెరిగిపోతున్న చికెన్ పాక్స్.. ఈ జాగ్రత్తలు ఖచ్చితంగా తీసుకోవాల్సిందే!
వేసవి కాలం మొదలైదంటే.. చాలా రకాల అనారోగ్య సమస్యలు చుట్టు ముడతాయి. వాటిల్లో చికెన్ ఫాక్స్.. దీన్నే అమ్మవారు అని కూడా పిలుస్తారు. ఒళ్లంతా ఎర్రని దద్దుర్లు వచ్చి.. నీరసంగా ఉంటుంది. ఎక్కువగా ఇది పిల్లల్లో కనిపిస్తుంది. ఇప్పటికే ఈ చికెన్ పాక్స్ కారణంగా కేరళలో తొమ్మది మంది మరణించినట్టు వైద్య ఆరోగ్య శాఖ వెల్లడించింది. ఈ చికెన్ పాక్స్ అనేది వరిసెల్లా జోస్టర్ వైరస్ ద్వారా వ్యాపిస్తుందని పరిశోధికలు తెలిపారు. ఈ వైరస్ అనేది వేడి వాతావరణంలోనే ఎక్కువగా..
వేసవి కాలం మొదలైదంటే.. చాలా రకాల అనారోగ్య సమస్యలు చుట్టు ముడతాయి. వాటిల్లో చికెన్ ఫాక్స్.. దీన్నే అమ్మవారు అని కూడా పిలుస్తారు. ఒళ్లంతా ఎర్రని దద్దుర్లు వచ్చి.. నీరసంగా ఉంటుంది. ఎక్కువగా ఇది పిల్లల్లో కనిపిస్తుంది. ఇప్పటికే ఈ చికెన్ పాక్స్ కారణంగా కేరళలో తొమ్మది మంది మరణించినట్టు వైద్య ఆరోగ్య శాఖ వెల్లడించింది. ఈ చికెన్ పాక్స్ అనేది వరిసెల్లా జోస్టర్ వైరస్ ద్వారా వ్యాపిస్తుందని పరిశోధికలు తెలిపారు. ఈ వైరస్ అనేది వేడి వాతావరణంలోనే ఎక్కువగా వ్యాపిస్తుంది. చికెన్ పాక్స్ అనేది అంటు వ్యాధి. ఒక వ్యక్తి నుంచి మరో వ్యక్తికి ఈజీగా సోకుతుంది. గాలి ద్వారా ఎక్కువగా ఎటాక్ చేస్తుంది. కాబట్టి ఈ వైరస్ సోకిన వ్యక్తుల్ని.. సపరేటుగా ఉంచాలి.
చికెన్ పాక్స్ లక్షణాలు:
ఈ వైరస్ సోకితే.. చాలా నీరసంగా అలసటగా ఉంటారు. ఒళ్లంతా నొప్పులగా ఉంటాయి. ఒక్కొక్కరికి జ్వరం కూడా వస్తుంది. ఆకలి కూడా ఎక్కువగా అనిపిస్తుంది. చర్మంపై ఎరుపు దద్దుర్లు లేదా బొబ్బలు వస్తాయి. ముందుగా ముఖంపై, నోటిపై వస్తాయి. ఆ తర్వాత ఒళ్లంతా సోకుతాయి.
చికెన్ పాక్స్‌కు ఎలా చికిత్స తీసుకోవాలి:
గ్రామాల్లో ఇప్పటికీ కొన్ని మూఢ నమ్మకాలు పోలేదు. చికెన్ పాక్స్‌ని అమ్మవారిగా భావిస్తారు. దీంతో వైద్య చికిత్స అందించరు. చికెన్ పాక్స్ వచ్చిన వ్యక్తిని సపరేటు గదిలో ఉంచాలి. శుభ్రమైన గాలి, వెలుతురు తగిలే విధంగా చూడాలి. పౌష్టికమైన ఆహారం అందించాలి. తుమ్ము, దగ్గు వచ్చినప్పుడు.. నోరు, ముక్కు మూసుకోవాలి. ఇది గాలి ద్వారా ఇతరులకు సోకుతుంది కాబట్టి.. జాగ్రత్తలు తీసుకోవాలి. స్వీయ చికిత్సలు తీసుకోవడం మానేసి.. వైద్యుల సలహాలు పాటించాలి.
వీరికి త్వరగా వచ్చే అవకాశం ఉంది:
చికెన్ పాక్స్ అనేది ఎవరికైనా రావచ్చు. అయితే పెద్దలకు శరీరంలో రోగ నిరోధక శక్తి ఎక్కువగా ఉంటుంది కాబ్టటి.. వీరికి వచ్చే అవకాశాలు తక్కువగా ఉంటాయి. పిల్లల్లో, గర్భిణీల్లో అమ్మవారు అనేది త్వరగా వస్తుంది. గర్భిణీ స్త్రీలకు చికెన్ పాక్స్ వస్తే.. ప్రమాదం ఎక్కువనే చెప్పొచ్చు. ఎందుకంటే లోపల ఉన్న బిడ్డకు కూడా సోకవచ్చు. కాబట్టి చికెన్ పాక్స్ వచ్చిన వారికి దూరంగా ఉండాలి.
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని హెల్త్ వార్తల కోసం ఇక్కడ క్లిక్ చేయండి..
