Knee Pain: మోకాళ్ల నొప్పులతో బాధపడుతున్నారా.. ఈ సింపుల్ టిప్స్ మీకోసం..
మోకాళ్ల నొప్పులంటే గతంలో పెద్ద వయసు వారికి వచ్చేవి. కాని మారుతున్న జీవనశైలిలో యువకులు సైతం మోకాళ్ల నొప్పులతో బాధపడుతున్నారు. తినే ఆహారం, చేసే పని ప్రభావం కూడా మోకాళ్ల నొప్పులకు..
Updated on: Dec 06, 2022 | 8:27 AM
మోకాళ్ల నొప్పులంటే గతంలో పెద్ద వయసు వారికి వచ్చేవి. కాని మారుతున్న జీవనశైలిలో యువకులు సైతం మోకాళ్ల నొప్పులతో బాధపడుతున్నారు. తినే ఆహారం, చేసే పని ప్రభావం కూడా మోకాళ్ల నొప్పులకు కారణమవుతున్నాయి. మోకాళ్ల నొప్పులతో బాధపడేవారు నొప్పి తీవ్రతను తగ్గించుకోవడానికి ఎక్కువ మెడిసిన్స్ వాడుతుంటారు. ఒకసారి మందులు వాడటం మొదలు పెడితే.. ఇకపై మోకాళ్ల నొప్పుల సమస్య వస్తే మెడిసిన్స్ వాడటానికి అలవాటుపడిపోతారు. ప్రస్తుత కాలంలో వయసుతో సంబంధం లేకుండా అందరూ మోకాళ్ళ సమస్యలతో బాధపడుతున్నారు. సాధరణంగా ఈ సమస్యలను తగ్గించుకోవడానికి అనేక రకాలుగా ప్రయత్నిస్తుంటారు. అలాగే ఎంతో మంది డాక్టర్ల చుట్టూ తిరిగి అలసిపోతుంటారు. అయితే ఈ సమస్యలు రావడానికి ప్రధాన కారణం యుక్త వయసులో ఉన్నప్పుడు పౌష్టికాహార లోపం. చాలా మంది యుక్తవయసులో ఉన్నప్పుడు సరిగా ఆహారం తీసుకోకపోవడం వలన ఈ సమస్యల భారీన పడుతుంటారు.
అయితే ఈ మోకాళ్ళ నొప్పులను తగ్గించుకోవడానికి రోజూలో ఎక్కువగా నడవాలట. ఇలా చేయడం వలన కీళ్ళకు మంచి పోషణ అందితుంది. అంతేకాకుండా ఎగుడుదిగుడుగా ఉండే నేల మీద నడవకుండా ఉంటే మంచింది. నేలపై రెండు కాళ్ళు మడత వేసుకొని కూర్చోవడం లాంటివి చేయకండి. అలాగే సాధ్యమైనంత వరకు బరువైన వస్తువులు ఎత్తకుండా ఉండాలి.
మోకాళ్ళ నొప్పులతో బాధపడుతున్నవారు రోజూ కొంతవరకు నడవాల్సి ఉంటుంది. అలాగే మోకాళ్ళ నొప్పి కలిగి ప్రతీసారి ఎలాంటి ట్యాబ్లెట్స్ వేసుకోకపోవడమే మంచింది. అలాగే సాధ్యమైనంతవరకు రోజూ వాకింగ్ అలవాటు చేసుకుంటే మంచిదని నిపుణులు సూచిస్తున్నారు. మందులు వాడటం కంటే వాకింగ్, చిన్న చిన్న వ్యాయమాలు చేయడం ద్వారా మోకాళ్ల నొప్పిని తగ్గించుకోవచ్చు.
మరిన్ని హెల్త్ వార్తల కోసం చూడండి..
