Parenting Tips: ఈ సూపర్ ఫుడ్స్‌తో పిల్లల మెదడు చురుకుగా పనిచేస్తుంది.. జ్ఞాపకశక్తి కూడా పెరుగుతుంది..
Brain Health Tips: పోషకాలతో నిండిన ఆహారం తీసుకుంటే పిల్లల మెదడు చురుకుగా పనిచేస్తుంది. జ్ఞాపకశక్తి కూడా మెరుగుపడుతుంది. ముఖ్యంగా చదువుకునే పిల్లలు రోజంతా పుస్తకాలు, స్కూలు, పాఠశాల, ఆటలతో గడుపుతుంటారు. కాబట్టి వారు రోజంతా ఎనర్జిటిక్ గా ఉండడానికి..
Brain Health Tips: పోషకాలతో నిండిన ఆహారం తీసుకుంటే పిల్లల మెదడు చురుకుగా పనిచేస్తుంది. జ్ఞాపకశక్తి కూడా మెరుగుపడుతుంది. ముఖ్యంగా చదువుకునే పిల్లలు రోజంతా పుస్తకాలు, స్కూలు, పాఠశాల, ఆటలతో గడుపుతుంటారు. కాబట్టి వారు రోజంతా శక్తివంతంగా ఉండడానికి పోషకాలతో నిండిన బలవర్ధక ఆహారం ఎంతో అవసరం. అదేవిధంగా ఎదిగే వయసులో పిల్లలకు సరైన పోషకాహారం అందకపోతే వారిలో శారీరక, మానసిక సమస్యలు తలెత్తుతాయి. అలాగే భవిష్యత్‌ లో పలు దీర్ఘకాలిక సమస్యలు ఎదుర్కొనే ప్రమాదం ఉంది. కాగా UNICEF నివేదిక ప్రకారం.. ఆరు నెలల నుంచి రెండు సంవత్సరాల మధ్య వయస్సు ఉన్న ముగ్గురు పిల్లల్లో ఇద్దరికి సరైన పోషకాహారం అందడం లేదని తెలుస్తోంది. ఇది వారి మెదడును బలహీన పరుస్తుందంటోంది. ఫలితంగా పిల్లలు చదువుపై ఏకాగ్రత పెట్టలేకపోతున్నారని, తక్కువ రోగనిరోధక శక్తితో వివిధ ఇన్ఫెక్షన్ల బారిన పడుతున్నారని యూనిసెఫ్‌ ఆందోళన వ్యక్తం చేసింది.
ఆకు కూరలతో పాటు..
పచ్చి ఆకు కూరలు బచ్చలికూర, మెంతులు, కొత్తిమీర ఆకులు, ఆవాలు, మోరింగ ఆకులు, బీట్‌రూట్ మొదలైన అన్ని ఆకు కూరల్లో విటమిన్లు, యాంటీ ఆక్సిడెంట్లు, ఖనిజాలు, డైటరీ ఫైబర్ పుష్కలంగా ఉన్నాయి. అలాగే విటమిన్లు ఎ, బి, ఇ, కె సితో పాటు బీటా-కెరోటిన్, ఫోలేట్ మెదడు పనితీరును మెరుగుపరుస్తాయి. ఈ సూపర్‌ఫుడ్‌లు సరైన గట్ డెవలప్‌మెంట్‌లో సహాయపడతాయి. ఎందుకంటే వీటిలో ఫైబర్ పుష్కలంగా ఉంటుంది. పైగా ఈ ఫుడ్స్‌లో కొవ్వుల శాతం తక్కువగా ఉంటుంది. ఇక ఆకుకూరల్లో ఉండే ఫోలేట్ కంటెంట్ పెరుగుతున్న పిల్లల మెదడుపై సానుకూల ప్రభావాన్ని చూపుతుంది.
ఏకాగ్రత పెంచేందుకు
కాగా బచ్చలికూరతో కార్న్ చాట్, మెంతి పరాటాలు, బీట్‌రూట్ ఆకులతో తేప్లా, పుదీనా-కొత్తిమీర చట్నీ మొదలైనవి చేయవచ్చు.
గుడ్లు, చేపలు: కాగా మన మెదడు ఒమేగా-3 కొవ్వు ఆమ్లాలు, DHA వంటి కొవ్వులతో నిర్మితమై ఉంటుంది. ఇవి ఎక్కువగా గుడ్డు సొన, సాల్మన్, సార్డినెస్, ఆంకోవీస్ వంటి చేపలలో పుష్కలంగా ఉంటాయి. వీటిలో ప్రోటీన్, విటమిన్లు B6, B12, D కూడా ఎక్కువగా ఉంటాయి. ఇవి పిల్లల్లో ఏకాగ్రతను పెంచుతాయి. అలాగే శరీరంలో మంచి కొలెస్ట్రాల్‌ను పెంచడానికి జీవక్రియను వేగవంతం చేయడానికి సహాయపడుతాయి. కాగా ఈ సూపర్ ఫుడ్స్ చాలా తక్కువగా తినడం వల్ల జ్ఞాపకశక్తి తగ్గిపోయి, కొంత వరకు డిప్రెషన్ కూడా వస్తుందని పరిశోధకులు చెబుతున్నారు.
డైట్‌లో ఎలా చేర్చాలంటే?
పిల్లలకు వారానికి కనీసం నాలుగు సార్లు ఎగ్ పాన్‌కేక్‌లు, ఎగ్ రోల్స్, ఫిష్-ఫ్రాంకీస్, సాల్మన్ రైస్ రోల్స్, ఫిష్ కట్‌లెట్స్, గిలకొట్టిన గుడ్లు వంటి వంటకాలను అందించవచ్చు. అలాగే వోట్మీల్‌ ను గంజిగా ఇవ్వచ్చు. ఇందులోని ఫైబర్ శరీరానికి అలాగే మెదడుకు స్థిరమైన శక్తిని అందిస్తుంది. ఫలితంగా పిల్లలు మానసిక ప్రశాంతతను పొందుతారు. అంతేకాదు ఇది మలబద్ధకాన్ని తగ్గిస్తుంది, ప్రేగులలో ఆరోగ్యకరమైన బ్యాక్టీరియాను ప్రోత్సహిస్తుంది. శరీర బరువును క్రమబద్ధీకరిస్తుంది. ఇందుకోసం చాక్లెట్-ఓట్ బార్, ఓట్స్-బనానా స్మూతీ, ఓట్స్-వెజ్జీ ఉప్మా, ఓట్స్ పాన్‌కేక్‌లు, ఓట్స్-మష్రూమ్ సూప్, ఓట్స్ సూప్ క్రీమ్ మరియు ఓట్స్-వాల్‌నట్ కేక్‌లను పిల్లలకు ఇవ్వచ్చు.
మరిన్ని హెల్త్ టిప్స్ కోసం క్లిక్ చేయండి..