Menstrual Health: ఈ సూపర్ డ్రింక్ తో పీరియడ్స్ టెన్షన్ కి గుడ్ బై చెప్పండి..!
పీరియడ్స్ సమయంలో మహిళలు అనేక అసౌకర్యాలను ఎదుర్కొంటారు. ముఖ్యంగా కడుపు ఉబ్బరం, నొప్పి వంటి సమస్యలు చాలా మందిని వేధిస్తుంటాయి. ఇవి హార్మోన్ల ప్రభావం వల్ల కలుగుతాయని నిపుణులు చెబుతున్నారు. అలాంటి సమయంలో సహజంగా ఉపశమనం కలిగించే అల్లం, సోంపు టీ ఎంతో ఉపయోగకరంగా ఉంటుంది.
Updated on: Jul 29, 2025 | 7:04 PM
మహిళలకు పీరియడ్స్ సమయంలో అనేక అసౌకర్యాలు ఎదురవుతాయి. వాటిలో కడుపు ఉబ్బరం ఒక పెద్ద సమస్య. ఈ సమస్యకు సహజంగా ఉపశమనం కలిగించే ఒక సులభమైన ఇంటి చిట్కా ఉంది. దీని గురించి ఇప్పుడు వివరంగా తెలుసుకుందాం.
పోషక నిపుణుల సూచన
పోషకాహార నిపుణుల సలహా ప్రకారం.. పీరియడ్స్ రాకముందు నీరసంగా, బరువుగా, ఉబ్బినట్లు అనిపించడం అనేది హార్మోన్ల ప్రభావం వల్లే జరుగుతుంది. ఇలాంటి సమయంలో మీకు ఉపశమనం కలిగించే ఒక ప్రత్యేకమైన డ్రింక్ ఉంది. ఆ డ్రింక్ గురించి ఇప్పుడు వివరంగా తెలుసుకుందాం.
అల్లం
పరిశోధనల ప్రకారం.. నెలసరి సమయంలో కడుపు నొప్పిని కలిగించే గర్భాశయ కండరాల సంకోచాలను అల్లం అదుపు చేస్తుందని తెలుస్తోంది. అల్లంలో సహజంగా ఉండే యాంటీ ఇన్ఫ్లమేటరీ గుణాలు వాపును తగ్గించి నొప్పిని కూడా తగ్గిస్తాయి.
సోంపు
అల్లంతో పాటు సోంపు కూడా నొప్పిని తగ్గించడంలో బాగా పని చేస్తుంది. సోంపులో ఉండే యాంటీస్పాస్మోడిక్ (Antispasmodic) గుణాలు గర్భాశయ కదలికలను అదుపు చేసి ఉపశమనాన్ని ఇస్తాయి. ఇది కడుపు ఉబ్బరం తగ్గించడంలో చాలా ఉపయోగపడుతుంది.
కావాల్సిన పదార్ధాలు
ఈ డ్రింక్ తయారు చేయడానికి మీకు 1 టేబుల్ స్పూన్ సోంపు, 1 టేబుల్ స్పూన్ తాజా అల్లం తురుము, 2 కప్పుల నీరు అవసరం ఉంటుంది.
తయారీ విధానం
ఒక పాత్రలో రెండు కప్పుల నీటిని తీసుకుని.. అందులో సోంపు, తురిమిన అల్లం వేసి బాగా మరిగించండి. నీరు సగానికి తగ్గిన తర్వాత ఆ మిశ్రమాన్ని వడకట్టి.. కాస్త చల్లారిన తర్వాత తాగాలి. దీన్ని నెలసరి సమయంలో ఉదయం లేదా రాత్రి తీసుకోవచ్చు.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)
