Dog Bite: పెరుగుతున్న కుక్క కాటు బాధితుల సంఖ్య.. కరిచిన వెంటనే ఇలా చేస్తే మంచిది..

Dog Bite

Dog Bite Home Remedies: ఇటీవల కుక్కల బారిన పడుతున్న వారి సంఖ్య బాగా పెరిగింది. పగలు, రాత్రనకా తేడా లేకుండా కుక్కలు మనుషులపై దాడి చేస్తున్నాయి. కొన్ని చోట్లు శునకాలు చిన్నారులపై కూడా దాడులకు తెగబడుతున్నాయి. ఇష్టమొచ్చినట్లు కరుస్తున్నాయి. కాగా కుక్క కాటు తర్వాత చాలామంది తెగ భయపడిపోతుంటారు. ఆందోళనకు గురవుతుంటారు. అయితే సత్వర చికిత్సతో పాటు కొన్ని జాగ్రత్తలు తీసుకుంటే ఎలాంటి కుక్క కాటు బారి నుంచైనా సులభంగా బయటపడవచ్చు. మొదట కుక్క కాటుకు గురైన ప్రాంతాన్ని వెంటనే శుభ్రం చేసి వైద్యం చేయించాలి. దీంతో పాటు కొన్ని ఇంటి చిట్కాలు కూడా పాటించవచ్చు.

పసుపు నీరు

ఇది స్వదేశీ యాంటీబయాటిక్. దీనిని చికిత్స కోసం పురాతన కాలం నుండి ఉపయోగిస్తున్నారు. ఉపయోగించబడుతోంది. కుక్క కరిచిన భాగాన్ని పసుపు నీటితో శుభ్రం చేయవచ్చు. పసుపులోని క్రిమినాశక గుణాలు ఇన్‌ఫెక్షన్ వ్యాప్తి చెందకుండా నిరోధిస్తుంది. కాబట్టి గాయం త్వరగా మానడానికి ఆస్కారం ఉంటుంది.

ఉల్లిపాయలు, వాల్‌ నట్స్‌

కుక్క కాటు నుంచి ఉపశమనం పొందేందుకు ఉల్లిపాయ రసం అలాగే వాల్‌నట్‌లను కూడా తీసుకోవచ్చు. ఇందుకోసం వాల్‌నట్‌లను మెత్తగా రుబ్బుకుని, అందులో ఉల్లిపాయ రసం కలిపిన మిశ్రమాన్ని కుక్కకాటు వేసిన ప్రాంతంపై పూయాలి. అంతకంటే ముందు గాయాన్ని శుభ్రంగా కడుక్కోవాలి.

హనీ పేస్ట్

మన అమ్మమ్మల కాలం నుండి, ప్రజలు తేనెను ఇంటి నివారణిగా ఉపయోగిస్తున్నారు. కుక్క కాటుకు ప్రజలు తేనెను కూడా పూస్తారు. మీరు ఈ రెసిపీని కూడా అనుసరించవచ్చు. దీని కోసం కుక్క కరిచిన భాగానికి తేనెను పేస్ట్ చేసి కాసేపు అలాగే ఉంచాలి. తర్వాత సాధారణ నీటితో శుభ్రం చేసుకుంటే త్వరగా ఉపశమనం లభిస్తుంది.

మిరపకాయలతో

కుక్క కాటు వేస్తే శరీరంలో విషం వ్యాపిస్తుందనే భయం చాలామందికి ఉంటుంది. అయితే ఆయుర్వేదంలో దీని నివారణకు ఒక చిట్కా చెప్పారు. ఆయుర్వేద నిపుణుల అభిప్రాయం ప్రకారం, కుక్క కాటుకు గురైన భాగంలో ఎర్ర మిరపకాయల కారంతో రుద్దుకోవాలి. ఇది కొంత చికాకు, మంట కలిగించవచ్చు. అయితే త్వరగా గాయం నుంచి ఉపశమనం పొందుతారు.

గమనిక.. ఈ కథనంలో పేర్కొన్న విషయాలు కేవలం అవగాహన కోసం మాత్రమే. వీటిని టీవీ9 తెలుగు ధ్రువీకరించడం లేదు.

మరిన్ని హెల్త్ న్యూస్ కోసం క్లిక్ చేయండి..