Sleeping Problem: రాత్రిపూట నిద్ర పట్టడం లేదా..? అయితే మీరు ఆ ప్రమాదంలో ఉన్నట్లే..

Sleeping Problem: రాత్రిపూట నిద్ర పట్టడం లేదా..? అయితే మీరు ఆ ప్రమాదంలో ఉన్నట్లే..
Anxiety

Health Tips For Good Sleep: కరోనావైరస్ (Coronavirus) కాలంలో చాలా మంది నిద్రలేమి సమస్యను ఎదుర్కొంటున్నారు. నిద్ర లేకపోవడానికి కారణం డిప్రెషన్, యాంగ్జయిటీ కూడా కారణమని వైద్యులు చెబుతున్నారు.

Shaik Madarsaheb

| Edited By: Anil kumar poka

Feb 13, 2022 | 7:59 AM

Health Tips For Good Sleep: కరోనావైరస్ (Coronavirus) కాలంలో చాలా మంది నిద్రలేమి సమస్యను ఎదుర్కొంటున్నారు. నిద్ర లేకపోవడానికి కారణం డిప్రెషన్, యాంగ్జయిటీ కూడా కారణమని వైద్యులు చెబుతున్నారు. నెలలో రెండు లేదా మూడు రోజులు తక్కువ నిద్ర ఉంటే.. సమస్య లేదు. కానీ ఈ సమస్య ప్రతిరోజూ ఉంటే.. మొదట జనరల్ ఫిజిషియన్‌ను సంప్రదించాలి. ఒకవేళ వైద్యులు పరిశీలించి మిమ్మల్ని మానసిక (mental problem) నిపుణుల వద్దకు వెళ్లమని సూచిస్తే.. మీరు తప్పనిసరిగా మానసిక వైద్యుల దగ్గరికి వెళ్లి చికిత్స తీసుకోవడం మంచిదని.. సీనియర్ సైకియాట్రిస్ట్ డాక్టర్ రాజ్‌కుమార్ శ్రీనివాస్ పేర్కొన్నారు. కరోనా యుగంలో ప్రజలు అనిశ్చితి, మానసిక సమస్యలతో పోరాడుతున్నారు. ఇంట్లో ఉండడం వల్ల అందరి జీవనశైలి మారిపోయింది. ప్రజలు నిద్రపోవడంపై ఎక్కువ సమయాన్ని నిర్ణయించడం లేదని పలు అధ్యయనాల్లో తేలింది. చాలా మంది ప్రజలు ఆందోళన లేదా ఒత్తిడితో జీవిస్తుంటారు.. అంతేకాకుండా పలు ఇబ్బందులు కూడా వెంటాడుతాయి.. ఇవన్నీ కూడా వారి నిద్ర (Sleeping Problem) పై ప్రభావం చూపుతున్నాయి.

డాక్టర్ ప్రకారం.. నిద్రలేమి అనేది మానసిక వ్యాధి కావచ్చు లేదా అది మరొక వ్యాధి లక్షణం కూడా కావచ్చు. స్లీప్ వర్క్ అంటే ఒక వ్యక్తి రోజూ 6 నుండి 7 గంటలు నిద్రపోయేవారు. ఇప్పుడు చాలామంది మూడు నుంచి నాలుగు గంటలు మాత్రమే నిద్రపోతున్నారంటే.. వారి నిద్ర చక్రం క్షీణించిందని అర్థం చేసుకోవాలి. నిద్రలో సమస్య ఉంటే.. మొదటగా నిద్ర గంటలలో తగ్గుదల కనిపిస్తుంది. ఆ తర్వాత నిద్ర మరింత క్షీణిస్తుంది. అంటే మనిషికి సరిగ్గా నిద్ర పట్టదు. మూడవ దశలో.. నిద్ర సమయం మరింత తక్కువ అవుతుంది. అటువంటి సమస్య నిరంతరం కొనసాగితే, అప్పుడు వైద్యుడిని సంప్రదించవలసిన అవసరం ఎంతైనా ఉంది.

నిరాశ – ఆందోళన

కరోనా తర్వాత నిద్రలేమి సమస్య ఎక్కువైంది. ఇవన్నీ డిప్రెషన్, యాంగ్జయిటీకి సంబంధించిన లక్షణాలు. ఇది చాలా దుష్ప్రభావాలను కలిగి ఉంటుంది. జ్ఞాపకశక్తి కోల్పోవడం, ఏదైనా పని చేయగల సామర్థ్యం కోల్పోవడం, శరీర బరువు పెరగడం వంటివి. కానీ ప్రజలు ఈ లక్షణాలను పట్టించుకోరు. మీరు రాత్రిపూట అకస్మాత్తుగా మేల్కొన్నా.. పడుకున్నా కానీ.. గంటల తరబడి నిద్రపట్టకపోవడం, లేటుగా నిద్రపోయిన ప్రతిరోజూ తెల్లవారుజామున మేల్కొంటే.. అది ఆందోళనకు కారణం అంటున్నారు వైద్యులు.

ఈ విషయాలను గుర్తుంచుకోండి

నిద్రవేళకు రెండు గంటల ముందు టీ లేదా కాఫీ తాగవద్దు

నిద్రవేళకు రెండు గంటల ముందు ఫోన్ లేదా ల్యాప్‌టాప్ ఉపయోగించవద్దు

మీరు రాత్రి మేల్కొన్నట్లయితే, కాసేపు నడవండి. దీంతో హాయిగా నిద్రపడుతుంది.

రాత్రి పూట హేవీగా భోజనం చేయవద్దు అని డాక్టర్ శ్రీనివాస్ తెలిపారు.

Also Read:

ఉసిరిలో అద్భుత ఔషధ గుణాలు.. ఛాతిలో మంట, ఎసిడిటీ సమస్యలుంటే ఇలా చేయండి..?

Coffee Side Effects: కాఫీ ప్రియులకు అలర్ట్.. ఉదయం లేవగానే తాగితే అంతే సంగతులు.. ఎందుకంటే..?

Follow us on

Related Stories

Most Read Stories

Click on your DTH Provider to Add TV9 Telugu