Glaucoma: ఈ కంటి వ్యాధి నుండి అంధత్వం వచ్చే ప్రమాదం.. ముందస్తు లక్షణాలను గుర్తించడం ఎలా..?
మన శరీరంలో కళ్లు ఎంతో ముఖ్యం. కళ్లు బాగుంటేనే ఏదైనా చేయగలం. కంటి చూపు కోల్పోతే జీవితం మొత్తం అంధకారంగా మారుతుంది. శరీరంలోని కళ్లపై జాగ్రత్తగా ఉండాలి. కంటికి సంబంధించిన..
మన శరీరంలో కళ్లు ఎంతో ముఖ్యం. కళ్లు బాగుంటేనే ఏదైనా చేయగలం. కంటి చూపు కోల్పోతే జీవితం మొత్తం అంధకారంగా మారుతుంది. శరీరంలోని కళ్లపై జాగ్రత్తగా ఉండాలి. కంటికి సంబంధించిన ఏవైనా సమస్య ఉంటే వెంటనే వైద్యులను సంప్రదించాలి. లేకపోతే తీవ్ర నష్టం ఎదుర్కొవాల్సిన పరిస్థితి వస్తుంటుంది. ఇక అలెర్గాన్ వ్యాధుల గురించి అవగాహన పెంచడానికి నిరంతరం కృషి చేస్తున్న అబ్బీవీ సంస్థ.. గ్లాకోమాను ముందస్తుగా గుర్తించి చికిత్స చేయవలసిన అవసరాన్ని ఇటీవల హైలైట్ చేసింది. గ్లాకోమా అనేది కంటిశుక్లం తర్వాత ప్రపంచవ్యాప్తంగా అంధత్వానికి రెండవ ప్రధాన కారణాలున్నాయి. దీని వల్ల వచ్చే అంధత్వం నయం కాదు. ప్రపంచవ్యాప్తంగా 4.5 మిలియన్ల మంది అంధత్వానికి ఇది కారణమని అంచనా వేస్తున్నారు నిపుణులు. అయితే భారతదేశంలో గ్లాకోమాతో బాధపడుతున్న 12 మిలియన్లలో 1.2 మిలియన్ల మంది ఇప్పటికే ఈ వ్యాధి కారణంగా అంధులుగా ఉన్నారని గుర్తించారు. ఇది దేశానికి ఆందోళన కలిగించే అంశంగా మారింది. దీన్ని మొదట్లో గుర్తిస్తే కంటి చూపును కాపాడుకోవచ్చని, లేకుంటే కంటి చూపు కోల్పోయే ప్రమాదం ఉందని కంటి వైద్య నిపుణులు హెచ్చరిస్తున్నారు. ప్రస్తుతం గ్లాకోమా ముందస్తు రోగనిర్ధారణ, చికిత్స మరింత దృష్టిని కోల్పోకుండా నిరోధించడానికి మందులు, శస్త్రచికిత్స లేదా లేజర్ చికిత్సతో సాధ్యమవుతుంది. అలాగే ఇప్పటికే దృష్టిలోపం ఉంటే దానిని నివారించడానికి ప్రయత్నించవచ్చంటున్నారు.
గ్లాకోమా అంటే ఏమిటి?
గ్లాకోమా అనేది కంటి ఆప్టిక్ నరాల (దృశ్య సందేశాలను తీసుకువెళ్ళే 1 మిలియన్ కంటే ఎక్కువ నరాలు) దెబ్బతినే పరిస్థితి. కాలక్రమేణా పరిస్థితి మరింత దిగజారుతుంది. దీని కారణంగా తరచుగా కంటి లోపల ఒత్తిడి పెరగడం ప్రారంభమవుతుంది. కంటిలో పెరిగిన ఒత్తిడి ఇంట్రాకోక్యులర్ ప్రెజర్ అని పిలుస్తారు. మీ మెదడుకు చిత్రాలను పంపే మీ ఆప్టిక్ నరాల దెబ్బతింటుంది. నష్టం తీవ్రంగా ఉంటే గ్లాకోమా శాశ్వత దృష్టిని కోల్పోవచ్చు లేదా కొన్ని సంవత్సరాలలో పూర్తి అంధత్వం వచ్చే ప్రమాదం ఉంటుందంటున్నారు.
ప్రపంచ ఆరోగ్య సంస్థ (డబ్ల్యూహెచ్‌వో) గ్లాకోమాను అనేక వర్గాలుగా విభజిస్తుంది. అయితే రెండు అత్యంత సాధారణమైనవి ప్రైమరీ ఓపెన్-యాంగిల్ గ్లాకోమా. ఇది కాలక్రమేణా నెమ్మదిగా అభివృద్ధి చెందుతుంది. అలాగే యాంగిల్-క్లోజర్ గ్లాకోమా సాధారణం కాదు. ఇది పెరిగినకొద్ది నష్టం మరింతగా పెరుగుతుందంటున్నారు.
ఈ వ్యాధి ప్రారంభ లక్షణాలను ఇలా గుర్తించండి:
పీవోఏజీలో కంటి ఒత్తిడి పెరుగుదల నెమ్మదిగా ఉంటుంది. అందుకే నష్టం కూడా క్రమంగా ఉంటుంది. గ్లాకోమాను ‘సైలెంట్ థీఫ్ ఆఫ్ సైట్’ అని కూడా పిలుస్తారు. ఎందుకంటే దాని ప్రారంభ సంకేతాలు, లక్షణాలు కనిపించవు. కళ్లలో ఎరుపు, నొప్పి, రాత్రిపూట లైట్ల చుట్టూ ప్రకాశవంతంగా కనిపించడం వంటివి కొన్ని సాధారణ లక్షణరహిత సంకేతాలు కావచ్చు. అందువల్ల గ్లాకోమాను ముందుగానే గుర్తించడం కోసం 40 ఏళ్ల తర్వాత ప్రతి సంవత్సరం మీ కళ్ళను పరీక్షించుకోవడం చాలా ముఖ్యం. సమగ్ర కంటి పరీక్షలో దృష్టి పరీక్షలు, ఆప్టిక్ నరాల పరీక్ష, కంటి ఒత్తిడిని గుర్తించడం వంటివి అనుమానం వచ్చినట్లయితే పెరిమెట్రీ, ఓసీటీ (ఆప్టికల్ కోహెరెన్స్ టోమోగ్రఫీ) వంటి పరీక్షలు ఉంటాయి.
న్యూ ఢిల్లీలోని ష్రాఫ్ ఐ సెంటర్‌లోని గ్లకోమా సర్వీసెస్ హెడ్ డాక్టర్ రామన్‌జిత్ సిహోటా మాట్లాడుతూ.. మీ కుటుంబంలో మీకు గ్లాకోమా చరిత్ర ఉంటే లేదా మీకు థైరాయిడ్, రక్తపోటు ఉన్నట్లయితే మీరు గ్లాకోమా వచ్చే ప్రమాదం ఉంది. అలాగే ఒత్తిడి, ఇతర గుండె సంబంధిత సమస్యలతో బాధపడుతుంటారు. వీటితో పాటు, స్టెరాయిడ్ మందులు వేసుకునేవారు, కంటి గాయాలు లేదా శస్త్రచికిత్సలు చేయించుకున్న వారు, పరిస్థితిని ముందస్తుగా గుర్తించడం కోసం వారి కళ్లను క్రమం తప్పకుండా తనిఖీ చేయాలి.
గ్లాకోమా పెద్దవారిలో సర్వసాధారణం అయినప్పటికీ ఇది ఏ వయసులోనైనా అభివృద్ధి చెందుతుంది. బాల్య గ్లాకోమా, సాధారణంగా ప్రైమరీ పుట్టుకతో వచ్చే గ్లాకోమా అని కూడా పిలుస్తారు. ఇది చాలా అరుదుగా సంభవిస్తుంది. అయితే ఇది బాల్య అంధత్వానికి 4 శాతం – 8 శాతం వరకు ఉంటుంది. 10,000 జననాలలో ఒకరు పుట్టుకతో గ్లాకోమా ద్వారా ప్రభావితమవుతారని అంచనా. కంటిలో ఏదైనా సమస్య ఉంటే ఎప్పటికప్పుడు పరీక్షలు చేయించుకోవడం ఎంతో ముఖ్యమని ఆయన సూచిస్తున్నారు.
మరిన్ని హెల్త్ వార్తల కోసం ఇక్కడ క్లిక్ చేయండి
