Fitness Tips at Winter: వీటిని కనుక ఫాలో అయితే.. చలి కాలంలో కూడా ఫిట్ గా ఉంటారు!
వ్యాయామం చేయడం వల్ల లాభాలే కానీ నష్టాలు ఏమీ ఉండవు. ప్రతి రోజూ వర్కౌట్స్ చేయడం వల్ల బాడీ ఫిట్ గా, ఆరోగ్యంగా ఉంటుంది. దీంతో ఎలాంటి రోగాలు వచ్చినా శరీరం తట్టుకుని నిలబడెతుంది. అయితే చలి కాలంలో వర్కౌట్స్ చేయడానికి మాత్రం చాలా బద్ధకంగా ఉంది. చలి కారణంగా ఉదయం లేవడానికి బద్ధకిస్తారు. ఇతర పనులపై కూడా ఆసక్తి తక్కువగా ఉంటుంది. దీంతో బరువు పెరిగే అవకాశాలు పుష్కలంగా ఉంటాయి. కానీ శీతా కాలంలోనే వ్యాయామం ఖచ్చితంగా..
Updated on: Nov 12, 2023 | 9:34 PM
వ్యాయామం చేయడం వల్ల లాభాలే కానీ నష్టాలు ఏమీ ఉండవు. ప్రతి రోజూ వర్కౌట్స్ చేయడం వల్ల బాడీ ఫిట్ గా, ఆరోగ్యంగా ఉంటుంది. దీంతో ఎలాంటి రోగాలు వచ్చినా శరీరం తట్టుకుని నిలబడెతుంది. అయితే చలి కాలంలో వర్కౌట్స్ చేయడానికి మాత్రం చాలా బద్ధకంగా ఉంది. చలి కారణంగా ఉదయం లేవడానికి బద్ధకిస్తారు. ఇతర పనులపై కూడా ఆసక్తి తక్కువగా ఉంటుంది. దీంతో బరువు పెరిగే అవకాశాలు పుష్కలంగా ఉంటాయి. కానీ శీతా కాలంలోనే వ్యాయామం ఖచ్చితంగా చేయాలి. అప్పుడే బాడీ ఫిట్ గా ఉంటుంది. ఈ సీజన్ లో ఎక్సర్ సైజ్ లు చేయాలంటే కొన్ని టిప్స్ ఫాలో అవ్వాలి. అవేంటో తెలుసుకుందాం.
వాకింగ్ లేదా జాగింగ్:
వాకింగ్, జాగింగ్ లాంటివి ఏ సీజన్ లో అయినా చేయవచ్చు. ఉదయం లేదా సాయత్రం కూడా వాకింగ్ చేస్తే చాలా బెనిఫిట్స్ ఉన్నాయి. చల్లని వాతావరణంలో వాకింగ్ లేదా జాగింగ్ చేయడం వల్ల కేలరీలు అనేవి ఎక్కువగా ఖర్చు అవుతాయి. అదే విధంగా ఇమ్యూనిటీ లెవల్స్ పెరుగుతాయి. ఏకాగ్రత, ఒత్తిడి తగ్గుతాయి. ఉదయం లేవడం వల్ల రోజంతా ఎనర్జీగా ఉంటారు.
వాటర్:
చాలా మంది చలి కాలం రాగానే వాటర్ అనేది చాలా తక్కువగా తీసుకుంటారు. వాతావరణం చల్లగా ఉందని లేదా యూరిన్ ఫ్లో ఉంటుందని తక్కువగా తాగుతారు. కానీ నిజం చెప్పాలంటే ఈ సీజన్ లో ఎక్కువగా నీరు తాగాలి. వింటర్ సీజన్ రాగానే చర్మం తేమ కోల్పోయి.. పొడి బారడం, గీతలు రావడం చూస్తూంటాం. ఈ సమస్యలు రాకుండా ఉండాలంటే.. నీరు ఎక్కువగా తాగాలి. అలాగే శరీరం కూడా హైడ్రేట్ గా ఉంటుంది.
బట్టలు:
సాధారణంగా చలి కారణంగా బాడీలో రక్త ప్రసరణ అనేది తగ్గి పోతుంది. అలా కాకుండా శరీరాన్ని వెచ్చగా ఉంటే బట్టలు వేసుకోవాలి. అప్పుడే శరీరం చల్ల బడకుండా ఉంటుంది.
లంచ్ బ్రేక్ లో ఎక్సర్ సైజ్:
మరీ విపరీతంగా చలి ఉన్నప్పుడు ఉదయం ఎక్సర్ సైజ్ చేయాలంటే కష్టం. అలాంటప్పుడు లంచ్ బ్రేక్ లో వ్యాయామం, వాకింగ్, స్ట్రెచెస్, ధ్యానం వంటివి చేయవచ్చు. దీని వల్ల బాడీలో కొవ్వు చేరకుండా ఉంటుంది. అలాగే ఒత్తిడి తగ్గి, యాక్టీవ్ గా మారతారు.
స్ట్రెచెస్:
చలి కాలంలో ముఖ్యంగా స్ట్రెచెస్ చేయాలి. అప్పుడే బాడీ వేడిగా మారి.. రక్త ప్రసరణ అనేది మెరుగ్గా ఉంటుంది. అదే విధంగా కండరాల పని తీరు కూడా చురుగ్గా ఉంటాయి. స్ట్రెచెస్ వల్ల ఒత్తిడి, మానసిక సమస్యలు కూడా దూరం అవుతాయి.
గమనిక: ఇది నిపుణులు, అధ్యయనాల నుంచి సేకరించిన సమాచారం. అవగాహన కోసం మాత్రమే ఈ కథనం. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడం మేలు.
