Drinking Coffee: కాఫీ ఎక్కువగా తాగుతున్నారా.. ఇది ఆరోగ్యానికి హాని చేస్తుంది..అసలు కాఫీ మన శరీరంలో ఏం చేస్తుందో తెలుసా?

Drinking Coffee: కాఫీ తాగడం వల్ల ప్రయోజనాలు ఉన్నాయని మనం అనుకుంటాం.  అయితే, తాజా పరిశోధనలు ఎక్కువగా కాఫీ తాగడం ఆరోగ్యం పై ప్రభావం చోపిస్తుందని చెబుతున్నాయి. రోజూ 6 కప్పుల కంటే ఎక్కువ కాఫీ తాగితే అది నేరుగా మెదడును ప్రభావితం చేస్తుందని ఆస్ట్రేలియా శాస్త్రవేత్తలు అంటున్నారు. తత్ఫలితంగా, అలాంటి వారిలో మెమరీ నష్టం (చిత్తవైకల్యం) వచ్చే ప్రమాదం 58 శాతం వరకు ఉంటుంది. స్ట్రోక్ భయం కూడా అదేస్థాయిలో ఉండే అవకాశం ఉంది.  ఒక రోజులో ఎంత కాఫీ తీసుకోవాలి? కాఫీ ఎలా హాని చేస్తుంది? శరీరంపై చెడు ప్రభావాలను ఎలా కలిగిస్తుంది? ఈ ప్రశ్నలకు పరిశోధకులు ఏం చెప్పారో తెలుసుకుందాం.

కాఫీలో కెఫిన్ హాని కలిగిస్తుంది..

కాఫీలో కెఫిన్ అనే మూలకం ఉంటుంది. ఇది నేరుగా మెదడు నాడీ వ్యవస్థపై దాని ప్రభావాన్ని చూపిస్తుంది.  దీనివల్ల కాఫీ తాగిన వెంటనే రిలాక్స్డ్ గా ఫీల్ అవుతాం. కానీ, దీని పరిమాణం అధికంగా మారినప్పుడు, ఈ కెఫిన్ మెదడుపై చెడు ప్రభావాన్ని చూపడం ప్రారంభిస్తుంది.

మనస్సుపై ప్రభావం..

మనం కాఫీ తాగినప్పుడు, అందులో ఉన్న కెఫిన్ రక్తంతో కలిసి శరీరమంతా వ్యాపిస్తుంది. అందువల్ల, ప్రభావం మనస్సుపై సులభంగా ఉంటుంది. అడెనోసిన్ మెదడుతో సంబంధం ఉన్న న్యూరోట్రాన్స్మిటర్. మనం  అలసిపోయామనే విషయాన్ని ఇదే మనకు చెబుతుంది. కాఫీలో కెఫిన్ ఈ న్యూరోట్రాన్స్మిటర్ను బ్లాక్ చేస్తుంది. ఈ విధంగా  మనం అలిసిపోము.

డైటీషియన్ సురభి పరీక్ మాట్లాడుతూ, కెఫిన్ కొంతవరకు ప్రయోజనం చేకూరుస్తుంది, కానీ అది శరీరానికి అధికంగా చేరినప్పుడు, హాని కలిగించడం ప్రారంభిస్తుంది. ఒక రోజులో 300 నుండి 400 మిల్లీగ్రాముల కంటే ఎక్కువ కెఫిన్ తీసుకోకూడదు. కాబట్టి ఒకటి లేదా రెండు చిన్న కప్పుల కాఫీ తీసుకోవడం మంచిది.

ఆకలి తగ్గుతుంది, శరీరంలో నీటి కొరత ఉండవచ్చు

కెఫిన్ శరీరానికి చేరుకున్నప్పుడు, ఒక వ్యక్తి శారీరకంగా, మానసికంగా శక్తిని పొందుతాడు. కాఫీ తాగిన తరువాత, అతను ఎక్కువ పని చేస్తాడు. అలసట కూడా కలగకపోవడానికి కారణం ఇదే. కానీ కెఫిన్ మొత్తం పెరిగినప్పుడు, ఆకలి తగ్గుతుంది. ఫలితంగా, బరువు తగ్గడం మొదలవుతుంది. సరిగ్గా నిద్రపోలేరు. శరీరం నుండి ఎక్కువ మూత్రం విడుదల కావడం వల్ల నీటి కొరత ఏర్పడుతుంది.

శరీర శక్తి పెరిగేకొద్దీ అది రక్తపోటును కూడా ప్రభావితం చేస్తుంది. అటువంటి వారిలో అధిక బిపి సమస్య ఉండవచ్చు. ఇది హృదయాన్ని ప్రభావితం చేస్తుంది. కాబట్టి దీన్ని ఎక్కువగా తీసుకోకుండా ఉండడం మంచిదని శాస్త్రవేత్తలు చెబుతున్నారు.

Also Read: Corona infected Moms: కరోనా పాజిటివ్ వచ్చిన తల్లి.. తన బిడ్డకు పాలు ఇవ్వవచ్చా? పరిశోధనలు ఏమంటున్నాయి?

Healthy Breakfast: ఉదయాన్నే పెరుగు, అరటి పండు తింటే ఎన్నో ప్రయోజనాలు.. బరువు తగ్గించే సూపర్ ఫుడ్..