ప్రస్తుత కాలంలో ఆహారపు అలవాట్లు, జీవన శైలి కారణంగా చాలా మంది పలు రకాల ఆరోగ్య సమస్యలతో బాధపడుతున్నారు. వారిలో మూత్ర‌పిండాలు దెబ్బ తిన్నాయ‌ని లాస్ట్ స్టేజ్ వ‌ర‌కు గుర్తించ‌క‌పోవ‌డం వల్ల చాలా మంది ప్రాణాలు కోల్పోతున్నవారు కూడా ఉన్నారు. అందువ‌ల్ల‌నే కిడ్నీల ఆరోగ్య ప‌రిస్థితిని మొద‌టే ప‌సిగ‌ట్టి త‌గిన జాగ్రత్త‌లు తీసుకుంటే ప్రాణాల‌ను కాపాడుకోవ‌చ్చ‌ని నిపుణులు చెబుతున్నారు. అయితే తీవ్ర‌మైన కిడ్నీ వ్యాధులతో బాధ‌ప‌డే వారు కాఫీని తాగితే అందులో ఉండే కెఫీన్ శ‌రీరంలో నైట్రిక్ ఆక్సైడ్‌ను విడుదల చేస్తుందని ఆరోగ్య నిపుణులు అంటున్నారు. ఇది కిడ్నీల ప‌నితీరును కొంత వ‌ర‌కు సరిచేస్తుంది. అందువ‌ల్ల కిడ్నీ వ్యాధులతో బాధ‌ప‌డుతున్న వారు నిత్యం కాఫీని తాగితే మంచి ఫ‌లితం ఉంటుంద‌ని సైంటిస్టులు చెబుతున్నారు.
అలాగే కిడ్నీ వ్యాధిగ్ర‌స్తులు కాఫీని ఎక్కువ‌గా తాగడం వల్ల వారు ఆ వ్యాధులతో చ‌నిపోయే అవ‌కాశాలు కూడా 25 శాతం వ‌ర‌కు త‌గ్గుతాయట. అంటే ఆ మేర జీవన కాలం పెరుగుతుంద‌ని అర్థం. ఇక కాఫీ తాగడం వల్ల పలు ఇత‌ర లాభాలు కూడా ఉంటాయ‌ని సైంటిస్టులు చెబుతున్నారు. కాఫీని రోజూ తాగడం అల‌వాటు చేసుకుంటే పలు వ్యాధుల‌కు చెక్ పెట్ట‌వ‌చ్చ‌ని సైంటిస్టులు చెబుతున్నారు. శ‌రీరంలో నొప్పులు, వాపుల‌ను త‌గ్గించే గుణం కాఫీలోని కెఫీన్‌కు ఉంటుందట. కాఫీని తాగడం వల్ల హైబీపీ త‌గ్గుతుంద‌ని, ర‌క్త నాళాలు మృదువుగా మారి, చ‌క్క‌గా ప‌నిచేస్తాయ‌ని సైంటిస్టులు చెబుతున్నారు.
కాఫీ తాగడం వల్ల మెద‌డు కూడా యాక్టివ్‌గా మారుతుంది. ఎన్‌సీబీఐ ప‌రిశోధ‌కులు చెబుతున్న వివ‌రాల ప్ర‌కారం.. నిత్యం 3 క‌ప్పు కాఫీ తాగితే 65 శాతం వ‌ర‌కు మ‌తిమ‌రుపు వచ్చే అవ‌కాశం త‌గ్గుతుంది. కాఫీని రోజూ తాగడం వల్ల టైప్ 2 డ‌యాబెటిస్ వచ్చే అవ‌కాశాలు త‌గ్గుతాయ‌ని కూడా ప‌రిశోధ‌కులు చెబుతున్నారు. అధిక బ‌రువును త‌గ్గించ‌డంలోనూ కాఫీ మెరుగ్గా ప‌నిచేస్తుంద‌ని వారు అంటున్నారు. క‌నుక ఇంకెందుకాల‌స్యం.. వెంట‌నే వేడి వేడిగా ఒక క‌ప్పు కాఫీ లాగించేయండి మరి.
మరిన్ని ఆరోగ్య సంబంధిత వార్తల కోసం ఇక్కడ క్లిక్ చేయండి..
