పిస్తా పప్పు తింటున్నారా..? వామ్మో.. శరీరంలోకి విషపూరిత బ్యాక్టీరియా.. ఆ దేశంలో హై అలర్ట్..

పిస్తాపప్పు : పిస్తాపప్పులు రుచికరంగా, ఆరోగ్యకరంగా ఉంటాయి. వాటిలో యాంటీఆక్సిడెంట్లు, ప్రోటీన్, బరువు తగ్గడానికి, మొత్తం ఆరోగ్యాన్ని ప్రోత్సహించడానికి సహాయపడే అనేక ముఖ్యమైన ఖనిజాలు ఉంటాయి . మీరు రోజుకు 25–30 పిస్తాపప్పులను స్నాక్‌గా తినవచ్చు.

పిస్తాపప్పుని శక్తివంతమైన డ్రైఫ్రూట్‌‌గా పేర్కొంటారు. పిస్తాపప్పులు ఆరోగ్యానికి ఎంతో మేలు చేస్తాయి. పిస్తాపప్పులు ఒమేగా 3 తో సహా అనేక పోషకాలను కలిగి ఉంటాయి. అనేక పోషక విలువలను కలిగి ఉన్న పిస్తాపపును ఆరోగ్యకరమైన చిరుతిండిగా పేర్కొంటారు. సాధారణంగా పిస్తాపప్పులు గుండె ఆరోగ్యానికి మంచివిగా చెబుతారు.. రక్తపోటు, కొలెస్ట్రాల్ స్థాయిలను తగ్గించడంలో సహాయపడతాయి. అయితే.. పిస్తాపప్పుల వినియోగం కెనడాలో సాల్మొనెల్లా బాక్టీరియా వ్యాధిని వ్యాపింపజేస్తుందని నివేదికలు బయటకు వచ్చాయి.. అంతేకాకుండా.. కెనడాలోని ఆహార తనిఖీ సంస్థ పిస్తాపప్పులు, పిస్తా ఉత్పత్తులను తినవద్దని ప్రజలకు సూచించింది.

వాస్తవానికి కెనడాలో పిస్తాపప్పులు తిన్న తర్వాత సుమారు 52 మంది అస్వస్థతకు గురయ్యారు. 10 మందికి పైగా పరిస్థితి విషమంగా మారింది.. సాల్మొనెల్లా బాక్టీరియా వ్యాపిస్తోందని.. పిస్తాపప్పులు అస్సలు తినొద్దంటూ అక్కడి వైద్య నిపుణులు సూచనలు చేశారు.. అయితే.. సాల్మొనెల్లా బాక్టీరియా అంటే ఏమిటో తెలుసుకుందాం.

సాల్మొనెల్లా బ్యాక్టీరియా వల్ల ఏమి జరుగుతుంది?

సాల్మొనెల్లా అనేది చెడిపోయిన ఆహారం తినడం.. మురికి నీరు త్రాగడం వల్ల సంభవించే బాక్టీరియల్ ఇన్ఫెక్షన్. సాల్మొనెల్లా బాక్టీరియల్ ఇన్ఫెక్షన్ విరేచనాలు, జ్వరం, కడుపు నొప్పికి కారణమవుతుంది. చాలా సందర్భాలలో, ఇది కొన్ని రోజుల్లోనే దానంతట అదే నయమవుతుంది. కొన్ని సార్లు మాత్రం పరిస్థితి విషమంగా మారవచ్చు..

సాల్మొనెల్లా బ్యాక్టీరియా పేగులను ఎలా దెబ్బతీస్తుంది..

సాల్మొనెల్లా బ్యాక్టీరియా పేగులపై చెడు ప్రభావాన్ని చూపుతుంది. వాస్తవానికి, ఈ బ్యాక్టీరియా పేగుల కణాలను నాశనం చేస్తుంది. దీని కారణంగా శరీరం నీటిని పీల్చుకోవడంలో ఇబ్బంది పడుతోంది. సాల్మొనెల్లా బ్యాక్టీరియా ఇన్ఫెక్షన్ విషయంలో, కడుపు తిమ్మిరి కనిపిస్తుంది. అదే సమయంలో, శరీరం నుండి నీరు విరేచనాల రూపంలో బయటకు వస్తుంది.

సాల్మొనెల్లా బ్యాక్టీరియా శరీరంలోకి ఎలా ప్రవేశిస్తుంది?..

సాల్మొనెల్లా అనేది ఒక చిన్న బ్యాక్టీరియా, దీని పొడవు సుమారు 0.7 నుండి 1.5 మైక్రోమీటర్లు.. ఈ బ్యాక్టీరియా మురికి నీరు, చెడిపోయిన ఆహారం ద్వారా శరీరంలోకి ప్రవేశిస్తుంది.
ఈ సాల్మొనెల్లా బ్యాక్టీరియా మురికి నీరు.. కలుషితమైన ఆహారం కారణంగా వ్యాపిస్తుంది.. ఇది శరీరంలోకి ప్రవేశించిన తర్వాత ప్రేగులలో మంటను కలిగిస్తుంది. సకాలంలో చికిత్స పొందకపోతే రోగి చనిపోయే ప్రమాదం ఉంటుంది.. ఒక్కోసారి దానంతట అదే నయమైనప్పటికీ.. కొన్నిసార్లు ప్రాణాంతకంగా మారొచ్చని పేర్కొంటున్నారు ఆరోగ్య నిపుణులు..

సాల్మొనెల్లా బ్యాక్టీరియా లక్షణాలు..

సాల్మొనెల్లా బ్యాక్టీరియా ఉన్నప్పుడు శరీరంలో కొన్ని లక్షణాలు కనిపిస్తాయి. ఈ లక్షణాలను గుర్తించడం ద్వారా సమస్యను నివారించవచ్చు.

• జ్వరం
• తలనొప్పి
• వాంతులు
• వికారం
• విరేచనాలు
• కడుపు తిమ్మిరి

ఎవరికి ఎక్కువ ప్రమాదం ఉంటుంది..

పిల్లలు, గర్భిణీ స్త్రీలు, వృద్ధులు, బలహీనమైన రోగనిరోధక శక్తి ఉన్నవారికి సాల్మొనెల్లా బ్యాక్టీరియా వల్ల ఎక్కువ ప్రమాదం ఉండవచ్చని వైద్య నిపుణులు చెబుతున్నారు.. పైన పేర్కొన్న లక్షణాలు కనిపిస్తే వెంటనే వైద్యులను కలిసి చికిత్స పొందడం మంచిది.

ఇది కూడా చదవండి:

పురుషులకు అలర్ట్.. 40 ఏళ్ల తర్వాత ఈ 3 పరీక్షలు చేయించుకోండి.. ఆ తర్వాత ఎంజాయ్ చేయొచ్చు..

మరిన్ని హెల్త్ వార్తల కోసం ఇక్కడ క్లిక్ చేయండి..