Clean Water: వేసవిలో మురికి నీటి వల్ల రోగాలు.. క్లీనింగ్‌ చేసుకోవడం ఎలా..?

వేసవి కాలంలో వచ్చే చాలా వ్యాధులు నీటికి సంబంధించినవి ఎక్కువగా ఉంటాయి. నీటిని శుభ్రం చేయడానికి ప్రజలు వివిధ పద్ధతులను అనుసరిస్తారు. కానీ నీటిలో కొన్ని సూక్ష్మక్రిములు ఉంటాయి. అవి సులభంగా తొలగిపోవు. దీంతో శరీరానికి హాని కలిగించేలా చేస్తాయి. ఉదాహరణకు.. మీరు పటికతో నీటిని ఫిల్టర్ లేదా శుభ్రం చేయాలనుకుంటున్నారని అనుకుందాం. కానీ అది నీటిలోని సూక్ష్మక్రిములను పూర్తిగా తొలగించదు. ప్రస్తుతం ఇళ్లలో నీటిని శుభ్రం చేసేందుకు ఫిల్టర్లను ఉపయోగిస్తున్నారు. ఫిల్టర్లు ఉపయోగించని కొన్ని ఇళ్లు ఉన్నాయి. అటువంటి పరిస్థితిలో సెంటర్ ఫర్ డిసీజ్ కంట్రోల్ (సీడీసీ) నీటిని శుభ్రం చేయడానికి కొన్ని పద్ధతులను పంచుకుంది. దీని సహాయంతో మీరు నీటిని పూర్తిగా స్వచ్ఛంగా, తాగడానికి వీలుగా చేయవచ్చు. అదేలాగో తెలుసుకుందాం.

1. తాగే ముందు నీటిని మరిగించండి: నీళ్లు మరిగించి తాగాలని చిన్నప్పటి నుంచి వింటూనే ఉన్నాం. నీటిని శుద్ధి చేయడానికి ఇది ఉత్తమ మార్గం. అందుకే నీళ్లు ఎప్పుడూ కాచి చల్లారిన తర్వాతే తాగాలి. సీడీసీ వివరాల ప్రకారం.. వేడి చేసిన నీటిని ఎప్పుడూ ప్లాస్టిక్ బాటిల్‌లో నిల్వ చేయకూడదు. కాచిన నీటిని ఎల్లప్పుడూ గాజు, స్టీలు, రాగి, మట్టి కుండ లేదా సీసాలో ఉంచాలి.
2. క్రిమిసంహారిణితో శుభ్రమైన నీరు: వాటర్ క్లీనింగ్ బ్లీచ్, ట్యాబ్లెట్లను కూడా నీటిని శుభ్రం చేయడానికి ఉపయోగిస్తారు. ఇది తరచుగా నీటి ట్యాంకులు శుభ్రం చేయడానికి ఉపయోగిస్తారు. వీటిలో ఉండే తినదగిన రసాయనాలు శరీరానికి సురక్షితమైనవి. ఇళ్లలో వాటర్ క్లీనింగ్ బ్లీచ్ వాడేటపుడు జాగ్రత్తలు తీసుకోవాలి.
3. పోర్టబుల్ ఫిల్టర్: నీటిని శుభ్రం చేయడానికి మీరు ఇంట్లో ROని ఇన్‌స్టాల్ చేయలేకపోతే మీరు పోర్టబుల్ ఫిల్టర్‌ను ఇన్‌స్టాల్ చేయవచ్చు. పటికతో నీటిని ఫిల్టర్ చేయడం కంటే ఇది మరింత పొదుపుగా, ఉత్తమంగా ఉంటుంది. పోర్టబుల్ ఫిల్టర్‌లను ఎల్లప్పుడూ చిన్న రంధ్రాల పరిమాణాలతో కొనుగోలు చేయాలి. ఇది పరాన్నజీవులను తొలగించడంలో సహాయపడుతుంది. మీరు నివసించే ప్రదేశంలో నీటి సరఫరా ప్రకారం మీరు పోర్టబుల్ ఫిల్టర్‌ను ఎంచుకోవాలి. పోర్టబుల్ ఫిల్టర్ ఉపయోగించిన తర్వాత నీటిని శుభ్రం చేసే టాబ్లెట్లను కూడా ఉపయోగించవచ్చు.
4. యూవీ కిరణాలు: ఈ రోజుల్లో నీటిని శుభ్రం చేయడానికి అనేక రకాల ఫిల్టర్లు వచ్చాయి. యూవీ లైట్ వాటర్ ప్యూరిఫయర్లు కూడా మార్కెట్ లోకి వస్తున్నాయి. ఇవి అతినీలలోహిత కిరణాల సహాయంతో నీటిని శుద్ధి చేస్తాయి. నీటిని శుద్ధి చేయడానికి, సూక్ష్మక్రిములను చంపడానికి యూవీ లైట్లను ఉపయోగించే అనేక పోర్టబుల్ యూనిట్లు ఉన్నాయి.
ఇవి కూడా చదవండి



Gold Reserve: అత్యధికంగా బంగారం నిల్వలు ఉన్న దేశం ఏదో తెలుసా?



Credit Cards UPI Link: ఆ బ్యాంకుల క్రెడిట్‌ కార్డులు యూపీఐతో లింక్‌ చేయడంలో మరింత జాప్యం.. ఎందుకో తెలుసా..?



Income Tax: బ్యాంకులపై ఆదాయపు పన్ను శాఖ కన్ను.. ప్రైవేటు బ్యాంకులను నోటీసులు..!



Sugar Price: చేదెక్కుతున్న పంచదార.. మూడు వారాలుగా పరుగులు పెడుతున్న ధర.. ఎందుకో తెలుసా..?

5. సౌర క్రిమిసంహారక: సూర్యకాంతి సహాయంతో నీటిని కూడా శుభ్రం చేయవచ్చు. ఎండలో కొద్దిసేపు ఉంచిన తర్వాత చాలా సూక్ష్మక్రిములు నాశనం అవుతాయి. అయినప్పటికీ మరింత మురికి నీటిని శుభ్రం చేయడానికి ఇది చాలా ప్రభావవంతమైన మార్గం కాదని గుర్తించుకోండి.

మరిన్ని బిజినెస్ వార్తల కోసం ఇక్కడ క్లిక్ చేయండి