Air Pollution: గుండెపోటు ప్రమాదాన్ని పెంచే వాయు కాలుష్యం.. పరిశోధనలలో షాకింగ్‌ విషయాలు..!

Air Pollution

మారుతున్న వాతావరణంతో ఇప్పుడు కాస్త చలి వణికిస్తోంది. దీంతో పాటు వాయు కాలుష్యం కూడా పెరగడం మొదలైంది. వాతావరణం చల్లబడినప్పుడు, పొగమంచు, పొగ రెండూ పెరుగుతాయి. ఈ స్మోగ్ మన ఆరోగ్యానికి చాలా హానికరం. పొగమంచు వల్ల మన ఊపిరితిత్తులకు సంబంధించిన అనేక సమస్యలు వస్తాయి. అయితే ఇది ఊపిరితిత్తులకే కాదు మన గుండెకు కూడా చాలా ప్రమాదకరమని నిపుణులు హెచ్చరిస్తున్నారు. పొగమంచు మన గుండె ఆరోగ్యానికి కూడా అనేక ప్రమాదాలను కలిగిస్తుంది. అమెరికా పరిశోధకులు జరిపిన ఆధ్యయనంలో పలు విషయాలు వెల్లడయ్యాయి.

గుండెకు వాయు కాలుష్యం ప్రమాదకరం

నేషనల్ సెంటర్ ఫర్ బయోటెక్నాలజీ ఇన్ఫర్మేషన్ ప్రకారం.. వాయు కాలుష్యానికి ఎక్కువ కాలం బహిర్గతం కావడం వల్ల గుండెపోటు, ఇతర గుండె జబ్బులు వచ్చే ప్రమాదం ఉంది. మనం పేలవమైన గాలిని పీల్చినప్పుడు గాలిలో ఉండే కాలుష్య కారకాలు మన ఊపిరితిత్తులు, గుండెకు రక్తప్రవాహంలోకి వెళ్లిపోతాయి. దీని కారణంగా మీరు గుండె సంబంధిత సమస్యలను ఎదుర్కోవలసి ఉంటుంది.

గాలిలో ఉండే కాలుష్య కారకాలు మన శరీరంలోకి ప్రవేశించినప్పుడు రక్తం స్వేచ్ఛగా ప్రవహించడం కష్టమవుతుంది. దీని కారణంగా రక్తం గడ్డకట్టే అవకాశం ఎక్కువగా ఉంటుంది. శరీరంలోని ఇతర భాగాలకు చేరుకోవడానికి గుండె రక్తాన్ని వేగంగా పంప్ చేయడం వల్ల మన రక్తపోటు పెరగడం ప్రారంభిస్తుందని వైద్య నిపుణులు పేర్కొంటున్నారు. దీని కారణంగా గుండె వైఫల్యం కూడా సంభవించవచ్చు. ఇది మాత్రమే కాదు.. ఇప్పటికే ఏదైనా గుండె సమస్య ఉన్నవారికి గుండెపోటుకు గురవుతారు.

వాయు కాలుష్యం నుండి మిమ్మల్ని మీరు ఎలా రక్షించుకోవాలి

మన శరీరంలో వాయు కాలుష్యం వల్ల కలిగే నష్టాన్ని ఎదుర్కొవడంలో సమతుల్య ఆహారాన్ని ఎంచుకోవడం సహాయకరంగా ఉంటుంది. సమతుల్య ఆహారంలో అవసరమైన విటమిన్లు, పోషకాలు పుష్కలంగా ఉంటాయి. ఇది మన శరీరం రోగనిరోధక శక్తిని బలోపేతం చేయడానికి సహాయపడుతుంది. ఇది కాకుండా మీరు మీ జీవనశైలిలో రెగ్యులర్ వ్యాయాయం అలవాటు చేసుకోవడం ఉత్తమం.

(నోట్‌: ఇందులోని అంశాలు కేవలం అవగాహన కోసం మాత్రమే. నిపుణుల సలహాలు, సూచనల మేరకు అందించడం జరుగుతుంది. ఏవైనా సందేహాలు ఉంటే నిపుణులను సంప్రదించండి.)

మరిన్ని హెల్త్ వార్తల కోసం ఇక్కడ క్లిక్ చేయండి