శరీరంలో ఇలాంటి లక్షణాలు కనిపిస్తున్నాయా..? అయితే, మీ కిడ్నీలు పాడవుతున్నట్లే.. జాగ్రత్త సుమా..!
మన శరీరంలో కిడ్నీ చాలా ముఖ్యమైన అవయవం.. మూత్రపిండాలు ఫిల్టర్ లాగా పనిచేస్తాయి.. ఇది లేకుండా, వ్యర్థ పదార్థాలను బయటకు తీయడం సాధ్యం కాదు. శరీరంలో టాక్సిన్స్ ఉండిపోతే చాలా రకాల వ్యాధులు రావడం మొదలవుతాయి. అందుకే.. కిడ్నీలను ఆరోగ్యంగా ఉంచుకోవాలని వైద్యులు సలహా ఇస్తుంటారు.
![శరీరంలో ఇలాంటి లక్షణాలు కనిపిస్తున్నాయా..? అయితే, మీ కిడ్నీలు పాడవుతున్నట్లే.. జాగ్రత్త సుమా..!](https://images.tv9telugu.com/wp-content/uploads/2024/08/kidneys.jpg?w=1280)
మన శరీరంలో కిడ్నీ చాలా ముఖ్యమైన అవయవం.. మూత్రపిండాలు ఫిల్టర్ లాగా పనిచేస్తాయి.. ఇది లేకుండా, వ్యర్థ పదార్థాలను బయటకు తీయడం సాధ్యం కాదు. శరీరంలో టాక్సిన్స్ ఉండిపోతే చాలా రకాల వ్యాధులు రావడం మొదలవుతాయి. అందుకే.. కిడ్నీలను ఆరోగ్యంగా ఉంచుకోవాలని వైద్యులు సలహా ఇస్తుంటారు. కిడ్నీలు ఎలాగైనా పాడైపోకుండా కాపాడుకోవాలని, ఇందుకోసం దినచర్యలో కొన్ని ప్రత్యేక మార్పులు చేసుకోవాలని వైద్యనిపుణులు సూచిస్తున్నారు. ముఖ్యంగా.. ఆహారంతో పాటు.. కొన్ని విషయాలను రెగ్యులర్ గా పాటించాలి..
వాస్తవానికి కిడ్నీల ఆరోగ్యాన్ని జాగ్రత్తగా కాపాడుకోవడం చాలా ముఖ్యం.. మూత్రపిండాలను ఆరోగ్యంగా ఉంచుకోలేకపోతే.. శరీరంలో మురికి పేరుకుపోతుంది.. ఇది అనేక వ్యాధుల ప్రమాదాన్ని పెంచుతుంది.. అందుకోసమే మీ కిడ్నీలను ఆరోగ్యంగా ఉంచుకోవాలి…
మూత్రపిండాల వ్యాధి ప్రమాదాన్ని ఎలా గుర్తించాలి?
కిడ్నీలో ఏదైనా పనిచేయకపోవడం వల్ల శరీరంలో అనేక రకాల లక్షణాలు కనిపించడం ప్రారంభిస్తాయి. ఈ హెచ్చరిక సంకేతాలను ఎలా గుర్తించాలో ముందుగా తెలుసుకుందాం..
- చర్మం రంగు తెల్లగా మారుతుంది
- చర్మం చాలా పొడిగా మారుతుంది
- గోళ్లు తెల్లగా మారడం ప్రారంభమవుతుంది
- గోళ్లు బలహీనంగా మారడం మొదలవుతాయి
- దురద స్ట్రెచ్ మార్క్స్ లాంటివి కనిపించవచ్చు.
మూత్రపిండాలు దెబ్బతినకుండా ఎలా రక్షించుకోవాలి?
బరువును నియంత్రించుకోండి
బరువు పెరగడం మూత్రపిండాల ఆరోగ్యానికి మంచిది కాదు. ఎందుకంటే ఇది మధుమేహం, గుండె జబ్బులు, అధిక రక్తపోటుకు కారణమవుతుంది. దీని వల్ల కిడ్నీలు కూడా చాలా దెబ్బతింటాయి.
నిద్ర చక్రానికి భంగం కలిగించవద్దు
మీ నిద్ర- మేల్కొనే సమయాన్ని సరి చేసుకోండి.. దానిని ఎక్కువగా మార్చవద్దు. ప్రతిరోజూ 7 నుండి 8 గంటలు నిద్రపోయేలా చూసుకోండి. మూత్రపిండాల ఆరోగ్యం చెక్కుచెదరకుండా ఉంటుంది.
శారీరక కార్యకలాపాలు
మీరు రోజుకు అరగంట పాటు వ్యాయామం లేదా మరేదైనా శారీరక శ్రమ చేస్తే, మీ రక్తపోటు బాగా నియంత్రణలో ఉంటుంది. కిడ్నీ సంబంధిత వ్యాధుల ప్రమాదం కూడా తగ్గుతుంది.
రోజుకు సరిపడా నీరు తాగండి
రోజుకు కనీసం నాలుగు లీటర్ల నీరు తాగడం చాలా ముఖ్యం.. సరిపడా నీళ్లు తాగడం వల్ల హైడ్రేషన్ గా ఉండటంతోపాటు కిడ్నీల ఆరోగ్యాన్ని కాపాడుకోవచ్చు..
(నోట్: ఇందులోని అంశాలు కేవలం అవగాహన కోసం మాత్రమే. నిపుణుల సలహాలు, సూచనలు, వివిధ వెబ్సైట్ల ద్వారా సేకరించిన సమాచారం మేరకు అందిస్తున్నాము. ఏవైనా సందేహాలు ఉంటే నిపుణులను సంప్రదించడం మంచిది.)
మరిన్ని హెల్త్ వార్తల కోసం ఇక్కడ క్లిక్ చేయండి